Mango X'press (已結業)

食完晏晝，喺尖咀周圍拱，比幾隻芒果仔吸引到，睇下咩東東先聽講係mango cha cha甜品店演變出黎嘅外賣店有好多由台灣黎嘅愛文芒果飲品同甜品第一眼已經俾呢杯色彩豐富嘅主打Mango X'presso吸引住，有五款比你揀，點配都得，原本想叫個心心窩夫，不過店員溫馨提示，呢但甜品最好两人食，自己一條冷食會飽，咁唯有揀個趣醬雜錦炸物，貪佢咩都有得試丫麻呢個杯嘅特色係飲品有三個層次，先會飲到愛文芒果味，唔用一般芒果，獨有嘅香味同清甜味，回味無窮，跟住就到士多啤梨味，唔係糖水咁好甜，好清新好似食緊粒粒士多啤梨咁，最後係藍柑桔柚子，好特別嘅味道，又柑桔又柚子，清甜得黎唔會有甜到咳嘅感覺， 最有趣係杯入面有粒發光冰喺飲品入面，呢個都係佢地嘅特色講到炸物，有花枝丸，雞丸同炸飯 花枝丸好足料，食到有花枝粒，好彈牙，而雞丸就唔會有雪味，而且配合獨有芒果汁，又估唔到咁夾， 小妹最欣賞係個炸飯，食落好似risotto咁，好得意，飯軟硬適中，而且好夠味，外面有一層脆嘅表面包住啲飯，真係幾特別又幾好味！ 仲有唔同口味嘅芒果切餅，梗有一款岩你口味！ 有機會下次叫埋個芒果綿綿冰先