影片
更多
2016-02-10
259 瀏覽
兩條友落街食,新年好多地方都未開連鎖店又大排長龍,於是黎呢度試新野碰下運氣今日好彩,walk in都係等一陣,見入面都有其他係兩個人食o既其實選擇就冇乜,除左唔食蠔之外覺得個menu點睇都差唔多為左唔食蠔於是叫左個貴$70 o既首爾塔得兩個人所以佢俾五層放o個5層上去之前,店員會先將粥料放o係最底,o係你食緊上面d海鮮o既時候下面就一路煲緊粥要等15分鐘左右夠85度先可以食,店員會一路留意住進度,見你夾完一層就會拎起俾你食下一層醬料方面有3款,分別係豉油,酸梅醬(平時食燒鵝o個d),韓國辣醬前菜每人一碟仔,泡菜同酸蘿白第一層...呢層係味道最好最鮮o既,其次係估唔到粒車厘茄煎過會咁甜第二層...d蝦好大隻,點唔點野都好味(個辣醬會完全蓋過哂所有其他味道,唔建議)第三層...忍唔住要講句乜得咁少野o既兩件仔魚肉真係食左都唔覺,不過好在唔鞋第四層...成件事最麻煩就係食蟹,咬又驚整到d牙,唔咬又好難撩出黎,因為完全冇工具同埋咁細隻其實食唔到d咩味另外就係旁邊d木瓜好甜,正最後一層喇,終於輪到鮑魚出場,都幾彈牙蔬菜類入面最唔ok係個冬瓜,完全一d味都冇一路都冇乜點提到d蜆呀蚌呀係因為全部都覺
連鎖店又大排長龍,於是黎呢度試新野碰下運氣
今日好彩,walk in都係等一陣,見入面都有其他係兩個人食o既
其實選擇就冇乜,除左唔食蠔之外覺得個menu點睇都差唔多
為左唔食蠔於是叫左個貴$70 o既首爾塔
得兩個人所以佢俾五層放o個5層上去之前,店員會先將粥料放o係最底,o係你食緊上面d海鮮o既時候下面就一路煲緊粥
要等15分鐘左右夠85度先可以食,店員會一路留意住進度,見你夾完一層就會拎起俾你食下一層
醬料方面有3款,分別係豉油,酸梅醬(平時食燒鵝o個d),韓國辣醬
前菜每人一碟仔,泡菜同酸蘿白
第一層...呢層係味道最好最鮮o既,其次係估唔到粒車厘茄煎過會咁甜
第二層...d蝦好大隻,點唔點野都好味(個辣醬會完全蓋過哂所有其他味道,唔建議)
第三層...忍唔住要講句乜得咁少野o既兩件仔魚肉真係食左都唔覺,不過好在唔鞋
第四層...成件事最麻煩就係食蟹,咬又驚整到d牙,唔咬又好難撩出黎,因為完全冇工具同埋咁細隻其實食唔到d咩味
另外就係旁邊d木瓜好甜,正
最後一層喇,終於輪到鮑魚出場,都幾彈牙蔬菜類入面最唔ok係個冬瓜,完全一d味都冇
一路都冇乜點提到d蜆呀蚌呀係因為全部都覺得蒸得太耐,老左韌得滯,一舊要咬好耐
第一層o既聖子算係最正常
去到最底個粥,一打開時都仲係覺得好多水,hea hea下d水收咁d就發現入面原來仲有年糕同蜆但人參就一路都唔見有,亦食唔出人參味
隻係一開始係原隻o既,食之前店員會拆開隻雞撈一撈佢
估唔到都幾大煲粥,一人起碼兩碗
唔知係咪韓國人用d羹都係咁淺,其實好難用黎食粥,最後都係乾脆成隻碗拎起黎飲,d雞係幾唔錯o既
唔知係佢個場layout set得有問題定點,一路食係不停俾背後行過o既人撞到
其次就係呢度明明係新開張冇耐,點解d枱腳係唔平均o既呢,定係個地唔平呢?我張枱搖到痴左線
另外有張枱直情係底下用兩舊木頂住,望到就覺得好唔穩陣
真係只此一次,試過就算.
張貼
