影片
更多
2007-08-17
7 瀏覽
睇到報紙知道呢度改裝完, 仲新推出咗個鐵板餐, 去開大會堂睇野, 梗係要幫襯吓. 我好同意網友'綿綿'所講, 對比Pepper Lunch 真係抵食好多, 塊肉仲高質素好多添, 佢地塊鐵板真係好鬼熱, 如果鍾意D牛肉生D既朋友, 記緊唔好將塊肉反嚟反去, 唔係就會變咗全熟. 個SET D芽菜好爽口, 炒炒吓好似玩煮飯仔咁好過癮, 4種醬汁各有特色, 適合不同人士既口味, 真係細心. 我最鍾意佢杯咖啡, 淡淡地, 好香. 另外我點咗個羊扒, 好冧又唔羶, 仲鬼咁大塊, 有3件份量好夠食, 唔知係咪新張賣大包, 伴碟有燒雜菜同炸薯條, 雜菜有半隻紅椒, 半條小青瓜, 一個番茄同埋一件番薯, 燒得啱啱好, 好甜好爽口, 一D都冇過火. 薯條我冇得食, 俾D細路搶走晒. 細路仔叫返食開既冷烏冬同豬軟骨拉麵, 一貫水準, 冇失望. 題外話, 個湯麵碗實在太大, 太重, 見D女侍應上菜單手捧碗好牙烟, 好似唔多夠力咁, 幾驚佢打翻倒瀉淥親人, 其實唔駛用咁大個湯碗裝麵丫, D麵都係去到個碗既一半. 近年發覺D新式連鎖食肆, D碗碟可能為咗美觀創新, 有D標奇立異, 總之辛苦咗D侍應係喇.
張貼