影片
更多
2023-01-28
15 瀏覽
近期發現尖沙咀新開左一間打卡餐廳，以露營為主題，餐廳內有唔少打卡位，好似帳幕、鋼琴、野餐、露營等等唔同嘅風格，擺設同佈置都好有特色，帶俾人好舒服嘅感覺。餐廳位於佐敦柯士甸道，沿著呢條路一直行，好快就見到餐廳嘅大招牌，轉彎後落一層，就到餐廳架啦。餐廳叫「我愛慢煮」，食物當然以慢煮為主，我地叫左兩款慢煮系列，一份青口，一個意粉同一個小食同兩杯飲品share食。美式蜜糖芥茉豬仔脾 （3件) ：豬仔脾可以揀3件或6件，雖然6件嘅價錢相當超值，但為左可以試多d唔同嘅菜式，我地選擇左3件。豬仔脾調味近乎一般美式豬仔脾，味道較西化，醬汁味超級香濃，肉質嫩滑，食落啖啖肉，火喉剛剛好，入口酸酸甜甜咁，非常開胃，不過如果蜜糖芥茉醬可以另上，客人就可以因應個人口味，鍾意點幾多就幾多啦。配菜方面有紅蘿蔔、脆肉瓜、粟米同車厘茄，令到整體顏色配搭唔錯。法式穀飼自然春雞 （半隻) ：春雞雖然製作需時，但係賣相真係相當吸引。除左有半隻雞之外，配菜方面有紅蘿蔔、脆肉瓜、粟米同車厘茄，令到擺盤非常精美。春雞焗得剛剛好，帶輕輕嘅香草味，肉質香嫩幼滑，入口非常juicy，配埋燒汁食，非常惹味，認真唔錯。明太子海鮮意粉：海鮮意
餐廳位於佐敦柯士甸道，沿著呢條路一直行，好快就見到餐廳嘅大招牌，轉彎後落一層，就到餐廳架啦。
餐廳叫「我愛慢煮」，食物當然以慢煮為主，我地叫左兩款慢煮系列，一份青口，一個意粉同一個小食同兩杯飲品share食。
美式蜜糖芥茉豬仔脾 （3件) ：豬仔脾可以揀3件或6件，雖然6件嘅價錢相當超值，但為左可以試多d唔同嘅菜式，我地選擇左3件。
豬仔脾調味近乎一般美式豬仔脾，味道較西化，醬汁味超級香濃，肉質嫩滑，食落啖啖肉，火喉剛剛好，入口酸酸甜甜咁，非常開胃，不過如果蜜糖芥茉醬可以另上，客人就可以因應個人口味，鍾意點幾多就幾多啦。
配菜方面有紅蘿蔔、脆肉瓜、粟米同車厘茄，令到整體顏色配搭唔錯。
法式穀飼自然春雞 （半隻) ：
春雞雖然製作需時，但係賣相真係相當吸引。除左有半隻雞之外，配菜方面有紅蘿蔔、脆肉瓜、粟米同車厘茄，令到擺盤非常精美。
春雞焗得剛剛好，帶輕輕嘅香草味，肉質香嫩幼滑，入口非常juicy，配埋燒汁食，非常惹味，認真唔錯。
明太子海鮮意粉：
海鮮意粉有蝦、魷魚同青口，味道鮮甜，配埋加入左明太子整嘅忌廉汁，以及al dente 嘅意粉，極有口感，配搭一流。
白汁煮藍青口配酸種麵包多士：
青口份量比預期多，絕對對得住價錢，大小亦剛剛好，白汁味道香濃，入口creamy，食晒d青口後仲可以用埋整脆嘅酸種麵包多士點汁食添。
甜蕃薯條：
蕃薯條即叫即炸，上檯時熱辣辣，香味撲鼻，入口外脆內軟，用黎送春雞同豬仔脾就最好不過了。
熱情果芒果特飲/cappuccino:
熱情果芒果特飲果味香濃，入口相當清新，唔會太甜，cappuccino 咖啡味香濃，為我地嘅午餐劃上完美句號。
張貼
