燒肉LIKE (德福廣場1期)

營業中

休息中

今日嚟九龍灣德福食飯，呢間來自日本過江龍一人燒肉專門店「燒肉 LIKE」好受歡迎，主打平靚正一人燒肉體驗。醬油味虎蝦配韓式拌飯套餐 $188- 醬油虎蝦夠晒新鮮，肉質爽口彈牙，大隻啖啖肉，蝦頭仲有香濃甘香蝦膏，配埋蒜香牛油醬好夾- 仲有指示教埋你燒，燒到微微焦香，啱啱好可以鎖住肉汁- 200g牛五花及牛板腱，大大份夠晒足料，牛味香濃，肥瘦適中- 足料韓式拌飯，配料有胡麻菠菜、泡菜、木魚絲、紫菜碎及生蛋黃，加埋韓式辣醬，惹味開胃- 其他套餐都可以$28加配韓式拌飯- 拌飯色彩豐富有齊五種顏色，新嘅一年五福臨門，撈起撈起撈到風生水起 和牛LIKE套餐 $148 （150g) - 有齊晒牛板腱、牛舌、日本產和牛肩胛肉，呢個價錢食到和牛相當抵食- 和牛肩胛肉油脂豐富，油香味濃，肉質細嫩- 牛舌切到厚薄適中，爽口有牛香味- 醬汁選擇豐富，包括BBQ醬、蒜香醬油、鹽味醬、辣味噌醬、韓式辣醬、胡麻醬、海鹽及黑胡椒- 套餐配埋海帶湯同泡菜或迷你沙律餐廳食物選擇豐富，價錢相當親民抵食，仲要唔使加一；環境簡潔乾淨，完全唔會聞到油煙味；無論一個人自己嚟食，或者同朋友一齊share都係一個唔錯嘅選擇。