亞參雞飯 (德福廣場1期)

營業中

休息中

開年飯唔想煮咁多，所以買左一隻海南雞同一隻豬手加餸。第一次食，個豬手都不錯，夠淋而且好入味。食得出花左好時間去煮。值得加分。但海南雞就覺得好失望，一啖食落去，除左雪味就食唔到其他味。雞冇雞味而且肉質都不滑! 諗住點果三個醬汁食都會OK 啦。可惜佢啲醬汁都奇怪地十分淡味，連薑蓉都冇味真係好神奇。所以點左醬都救唔到冇味嘅雞。對於一間專賣海南雞嘅餐廳，海南雞係咁嘅水準，都真係失望。唔知係唔係因為新年，平日個廚師放左假？！但如果要再去呢間餐廳，應該只因為想食佢個豬手。