影片
更多
2019-02-22
124 瀏覽
挑選尖沙咀日式餐廳，食物質素同環境都要上乘的話，呢間餐廳都係唔錯嘅選擇。服務非常有禮，餐廳坐位寬闊，而餐牌選擇亦夠多，我地分別挑選一個定食品嚐。而正餐之前，先有帶子刺身沙津，帶子份量夠多、亦夠厚身，濃郁鮮味配以微咸嘅蟹籽，口感層次非常豐富，加上清新嘅沙津菜，喺餐前進食可以幫助調整胃口同味蕾。定食跟餐嘅刺身三點，賣相已經夠晒吸引，厚切三文魚腩入口魚油味道非常香濃，而大蝦質素新鮮非常，鮮膏滿滿，鍾意食刺身嘅朋友一定非常滿足。而食任何炸物之前，都有新鮮芝麻提供，即場磨碎、散發無比香氣。定食一人前有吉列豬扒、帶子、蠔、大蝦，款款炸物都新鮮即炸，上枱時香噴噴。吉列帶子份量豐厚，肉身白晰有彈性、蠔隻亦鮮味濃郁，炸到僅僅熟，質感最好。滑蛋吉列豬扒飯，呢度最有名嘅炸豬扒當然留係呢度介紹。豬扒厚身就當然啦，炸漿薄薄所以炸得香脆之餘，仲有脆身口感。而豬扒肉味豐富，選料絕對上乘。加上滑蛋嘅點綴，即使食多幾件，都唔會感覺到油膩。最後以呢兩道甜品作結，荔枝雪葩配白酒啫喱、櫻花雪糕伴菓子賣相極為精緻，甚有日式風情。前者味道清新，白酒啫喱帶有微微酒香味，感覺非常特別; 而櫻花雪糕甜味適中，加上花香嘅味道，相當好多女
服務非常有禮，餐廳坐位寬闊，而餐牌選擇亦夠多，我地分別挑選一個定食品嚐。而正餐之前，先有帶子刺身沙津，帶子份量夠多、亦夠厚身，濃郁鮮味配以微咸嘅蟹籽，口感層次非常豐富，加上清新嘅沙津菜，喺餐前進食可以幫助調整胃口同味蕾。
定食跟餐嘅刺身三點，賣相已經夠晒吸引，厚切三文魚腩入口魚油味道非常香濃，而大蝦質素新鮮非常，鮮膏滿滿，鍾意食刺身嘅朋友一定非常滿足。
而食任何炸物之前，都有新鮮芝麻提供，即場磨碎、散發無比香氣。定食一人前有吉列豬扒、帶子、蠔、大蝦，款款炸物都新鮮即炸，上枱時香噴噴。吉列帶子份量豐厚，肉身白晰有彈性、蠔隻亦鮮味濃郁，炸到僅僅熟，質感最好。
滑蛋吉列豬扒飯，呢度最有名嘅炸豬扒當然留係呢度介紹。豬扒厚身就當然啦，炸漿薄薄所以炸得香脆之餘，仲有脆身口感。而豬扒肉味豐富，選料絕對上乘。加上滑蛋嘅點綴，即使食多幾件，都唔會感覺到油膩。
最後以呢兩道甜品作結，荔枝雪葩配白酒啫喱、櫻花雪糕伴菓子賣相極為精緻，甚有日式風情。前者味道清新，白酒啫喱帶有微微酒香味，感覺非常特別; 而櫻花雪糕甜味適中，加上花香嘅味道，相當好多女仔都會中意。
張貼
