XOXO Café Lab (已結業)

由於新年期間不幸中了乙型流感，新年間的所有聚會都推曬，只好新年後保番…… 病好當然要食番餐好既，約同女性好友去左個可愛度十足的Cafe晚餐，餐廳裝飾女性化，大部坐位都是沙發，感覺舒適，好友比我更喜愛這裡的裝潢。 上主菜前，先點了飲品（百香果冰綠茶、蜂蜜檸檬水果茶），飲品十分精緻，味道清新；冰綠茶中有一粒粒的蜂蜜珍珠，有咬口，又有驚喜，但記得飲前要先攪拌；水果茶中的果肉，份量多到倒唔出茶。哈哈。 前菜是鮮蚵仔泡菜蛋餅，看似pizza，上面都是泡菜醬汁，切開就見到大大隻的蚵仔同泡菜，食落口，雖然蛋味濃郁但亦食得出蚵仔的鮮味同泡菜。 可以好似pizza咁自己切，好食又好玩，哈哈。 主菜是海鮮三文魚抱泡鍋飯，上檯的時間是熱辣辣的；相信鍋飯上的是蛋白泡泡，焗完之後是金黃色的，黑色的是類似飯素的調味料，打開泡泡就見到內裡有芝士、三文魚同醬油飯。將所有的食材伴著一起起食, 三文魚的鮮味和醬油飯的香濃十分搭配, 加上泡泡及芝士, 令每一口飯都煙煙韌韌又帶點芝士的香味, 令味道更上一層樓。