美心西餅 (美孚站)

營業中

休息中

有個朋友二月生日，成班朋友一齊慶祝！生日當然要有生日蛋糕啦，經過美心見到呢款搞鬼既新年蛋糕就二話不說訂咗呢款。呢個蛋糕有兩磅重，人多每人食少少都夠分。個蛋糕其實係鮮果蛋糕，上面加咗條意頭好好既鯉魚。個蛋糕底係中規中矩，正常平時係美心食到既蛋糕底質素，啲生果都算新鮮。而最驚喜係條鯉魚，大家都估緊佢係咩食唔食得！結果原來係椰汁糕，佢有淡淡地既椰汁味，食落有口感，仲要整得幾靚有誠意！用埋美心啲優惠埋單二百頭的確唔錯。