泰海鮮 (已結業)

朋友住tuen mun, 新年流流山長水又遠走去佢屋企打牌拜年。開4圈前緊係要去醫下肚仔。佢介紹我地去食三聖海鮮！樣樣都好似好吸引，我地叫得太多野。油鹽水煮蝴蝶蚌，簡簡單單油鹽水煮, 食其鮮味, 仲食到少少海水味，好新鮮！蝴蝶蚌嫩得黎鮮甜,爽爽地咁。花甲冬陰公湯油個味道幾岩我口味，成日好驚d冬陰公得辣唔酸，呢個岩岩好。d花甲又係好鬼甜，正。不過略為油左少少。小食芝心炸蝦丸入面既蝦肉係幾彈牙，不過粉漿薄番少少就更好。呢個我最鍾意，米粉底豉椒蟶子皇，起好晒肉唔係講笑，加埋個脆卡卡既米粉底，夠晒穫氣！最後仲叫左個避風塘炒肉蟹，如果唔食得辣既朋友要小心，都真係好辣下，但係好有風味既，食得好過隱，仲要啖啖肉！