sift desserts (希慎廣場) (已結業)

大年初五有屋企人生日，平時都有食開sift嘅蛋糕，今日去買個返屋企慶祝下，店內有三位店員在慢慢咁工作，唔緊要等咗一陣終於見到我，我指住個蛋糕同男店員講「唔該要一個」，你要咩蛋糕，當時個櫃得一個蛋糕，我仲可以要邊個，跟住佢就幫我打包個蛋糕啦，我問有冇得寫生日牌？有$8一個手寫，都好啦咁幫我寫一個唔該，然後佢就走去同另一個類似senior啲嘅女店員講，女店員就拎住一盒牌同一支雙頭筆過嚟，一落筆我就知瀨嘢，支筆冇墨水好淺色，其實$8一個牌我唔會expect係咁囉，仲有啲字係唔對嘅，佢寫完問我係咪唔滿意，其實小姐講真好難會滿意，差啲個y寫唔到，佢又再寫一次今次有好少少，但全程全間鋪所有店員都係黑口黑面，買嘢唔該多謝都冇句，以前我都會買cupcake食下，經過今日送比我都唔會食，再見👋🏻