Golem Craft Beer (已結業)

星期日冇野做，同屋企人落一落街食個lunch，石門其實冇乜得簡，就簡左間西餐廳食，但居然出乎意料地正喎！一嚟到我地就叫左4個lunch set，其實佢選擇都幾多，價錢又合理，西餐嚟講真系算性價比高啦。Lunch set 會有餐湯/沙律+主食+飲料。叫左個香濃鮮茄大蝦意粉，其實我唔食得辣，但佢只系少少地，又唔太過，所以其實都幾香口，幾特別，蕃茄味都好濃郁，唔錯！牛油果煙三文魚沙律好開胃，清新又爽口，我最中意食啲咁新鮮嘅蔬果，做前菜好適合。呢個黑松露卡邦尼意粉，我略嫌佢有少少咸，但其實整體來講都落足料，味道好香黑松露，聞到都醒神。呢個安格斯肉眼（10安士）我地叫左七成熟，好中意啲見到血水既牛，感覺好新鮮。佢仲切到好厚，食落口感好豐富！雖然望落好多血水，但係熟嫁，唔會太生食唔落口。野飲方面，本來想試下佢既手工啤，但係我食個日未有人整，所以無得試，不過唔緊要啦，要比多次個機會我黎試。我地分別叫洋甘菊花茶，不過佢無壺，有少少失望。仲有Hot cappuccino, Iced Latte。