影片
更多
2009-11-09
36 瀏覽
哈哈~ 果然不出我所料, 終於有間台式飲品外賣店踩入太安樓啦!!!呢間叫"Today", 出面好似未見過, 又多一間新店加入台式飲料戰場啦...既然有新店開張, 就試一試佢有幾得先!!行到去已經人頭湧湧, 門店光猛, 唔難搵到,仔細睇吓有咩飲...都不外乎一般台式飲品店有嘅選擇,都係可以少甜, 微甜, 少冰...你鐘意點飲都得!在云云眾多選擇當中, 見到有個叫"黑糖寒天奶茶",新野...就叫呢個試試啦!! 可能真係新開張無幾耐啦,落單個位姐姐竟然話:係唔係要珍珠奶茶加黑糖寒天呀? 無"黑糖寒天奶茶"喎...我就呆一呆, 指住個最大個牌同佢講有呢個飲品, 最後有另一個姐姐幫忙之下終於入到機落order,雖然有d唔熟手, 但都情有可原, 收銀姐姐嘅態度好nice, 抵讚! 等野飲其間, 見住4-5個人喺一間1,200呎嘅舖仔忙得不可開交,望入舖頭裡面都幾企理, 仲見到佢地裝咗個大型嘅濾水器, 似乎佢地都幾落本...等咗兩三分鐘之後, 我杯"黑糖寒天奶茶"已經到手啦! 少甜少冰, i like it !! 黑糖寒天奶茶 700cc $14我見d奶茶係一桶桶已經溝好晒嘅, 奶茶面嘅泡好快就已經
呢間叫"Today", 出面好似未見過, 又多一間新店加入台式飲料戰場啦...
既然有新店開張, 就試一試佢有幾得先!!
行到去已經人頭湧湧, 門店光猛, 唔難搵到,
仔細睇吓有咩飲...都不外乎一般台式飲品店有嘅選擇,
都係可以少甜, 微甜, 少冰...你鐘意點飲都得!
在云云眾多選擇當中, 見到有個叫"黑糖寒天奶茶",
新野...就叫呢個試試啦!!
可能真係新開張無幾耐啦,
落單個位姐姐竟然話:
係唔係要珍珠奶茶加黑糖寒天呀? 無"黑糖寒天奶茶"喎...
我就呆一呆, 指住個最大個牌同佢講有呢個飲品,
最後有另一個姐姐幫忙之下終於入到機落order,
雖然有d唔熟手, 但都情有可原, 收銀姐姐嘅態度好nice, 抵讚!
等野飲其間, 見住4-5個人喺一間1,200呎嘅舖仔忙得不可開交,
望入舖頭裡面都幾企理,
仲見到佢地裝咗個大型嘅濾水器, 似乎佢地都幾落本...
等咗兩三分鐘之後, 我杯"黑糖寒天奶茶"已經到手啦! 少甜少冰, i like it !!
黑糖寒天奶茶 700cc $14
我見d奶茶係一桶桶已經溝好晒嘅, 奶茶面嘅泡好快就已經散晒,
但幾好飲, 可能我要少冰, 佢真係落咗好少冰, 所以無俾d冰溝稀晒杯茶!
茶味同奶味平均, 食埋杯底d黑糖寒天,
好煙韌, 圓柱形一條條, 黑黑地,
仲有d好似桂圓嘅味道, 出奇地同奶茶嘅味道幾夾,
試過呢個之後, 我就覺得黑糖寒天好食過珍珠啦!!
睇得出呢間係有誠意嘅台式飲品店,
並唔似個d雨後春筍混水摸魚之輩,
呢間舖仲有好多野飲, 下次掃完太安樓再試吓其他飲品先!!!
張貼
