大丼屋 (已結業)

自從兩年前搬離左荃灣之後, 已經好耐冇約住係青衣嘅老友撐枱腳吹吹水, 今次老友介紹話荃灣楊屋道街市對面百悅坊新開左間大丼屋, 佢食過覺得好正, 而且新張期仲買一送一, 所以今日一收工我就由港島直接搭地鐵去久違了嘅荃灣同佢去嘆返個丼飯。😄百悅坊有多間食店同傢俬公司都係要坐升降機到, 大丼屋位於2樓, 電梯直上就見到。餐廳裝修好有日式風格, 由於我地未到7點已經到, 客人仲未係好多。丼飯款色選擇都有好多, 仲左魚生丼, 天婦羅丼, 燒魚丼同咖哩丼之外, 仲有舖滿肉係丼面嘅爆丼, 一場來到, 當然要食呢度嘅招牌巨型富士山丼啦。😆巨型富士山丼 $188個丼飯嘅刺身舖滿整個飯面, 有海膽, 蝦, 蟹肉, 吞拿魚腩蓉同埋魚子, 刺身超新鮮, 蝦勁大隻, 爽口彈牙, 我最愛嘅海膽好鮮甜, 丼飯混合少少Wasabi豉油, 連埋蟹肉, 吞拿魚腩蓉同埋魚子一齊食, 啖啖都好滋味。😋最後飲埋野飲, 埋單買一送一而且唔駛加一, $102一位, 超抵食。👍餐牌