九井食堂 (香港仔中心) (已結業)

朋友好喜歡食日本菜🥘🍣🍱🍤，知道香港仔新開左間日式餐廳，即刻約埋一齊去試下。九井食堂，開業一個月，位於香港仔中心四期。食品種類繁多，有刺身、手卷、壽司、卷物、刺身丼、天丼、鍋物、定食、燒物等等。。。。。。望住個餐牌，樣樣都好吸引🤤。我哋兩個點了6款，上菜速度非常有效率👍。1) 海鮮刺身丼 ＄108 有海膽、吞拿魚、魚卵，令人心動，不點好似對不起自己。魚卵帶著微微鹹鮮味，新鮮肥美海膽呈橙黃色，獨一無二的鮮味，吞拿魚蓉軟嫩鮮甜，大大口扒飯吃，好有飽足感喔!2) 雜錦海鮮鍋＄82 (可配飯或烏冬)，我哋選了豬骨濃湯，濃郁湯底，配合新鮮食材 (蝦、青口、帶子、豆腐、金菇、冬菇、椰菜、魷魚)，每啖食物都非常鮮甜美味，吃起來超豪華。3) 味付魚干＄45，魚干切幼條，脆脆地又好有咬口，十分惹味。4) 油甘魚刺身＄48，4片厚厚的，每口都充斥著魚油香氣，淡淡甘甜。5) 芝士雞翼餃子＄25，雞翼釀入芝士及肉碎，咬口十足，而且肉汁豐富，令人味蕾滿足感大增。6) 土佐豆腐＄38，4大件滑滑的，裹上木魚絲，外皮炸到香脆，不用沾醬汁也好好味。價格感覺物超所值，仲可以加錢無限暢飲添，一定要去試下🤗。