西塔老太太烤肉拌飯 (新都城中心二期)

營業中

休息中

將軍澳新都城開了一間新嘅燒肉店，叫做「西塔老太太」，新店特別旺場，坐得人頭滿滿，要食都要排一陣先得。新張期內仲有套餐優惠，我們一行四人便叫了一個四人套餐，原先七百幾而家優惠價係五百幾蚊，共有八款食物，包括老太太特色肥牛、老太太特色瘦牛、風乾腸、炸雞架、30吋超級橫隔膜、秘製雞腿肉、厚切五花肉、牛五花烤扇貝、辣炒年糕等等都幾豐富。食物陸續擺滿枱，感覺都幾震撼，各款肉類都新鮮而且入味，個人鍾意食肥牛，燒一陣就可以夾來食，另外仲有一種叫風乾腸，又係燒一燒又可以食得。至於辣炒年糕味道唔會好辣而係辣得恰到好處，年糕煙韌連埋配料食口咁唔錯。值得一體嘅就係有自家製嘅芝麻醬，配肉食有芝麻香。整體嚟講，食店環境同空間都舒適，張枱夠闊落坐四個人足夠有餘，食物味道整體不錯。