上海美味齋飯店

營業中

休息中

呢間食店大大話話，在鳳凰最少都有超過三十年歷史，曾經停業数年，最近在原址重開，以前我亦幫襯過此店，感覺都有正宗上海食店作風，食品濃油赤醬，侍應招呼欣勤，所以知道此店重開，就帶同靚媽及细仔仔，在11月18日到此老店捧場，希望重拾往昔味道，首先一踏入此店，我就覺得自己年輕咗，因此店嘅樓面，侍應，全是銀髮一族，九成係以前在此店工作嘅老員工，再次為此店服務，而呢班老員亦保持到當年待客水準，添茶，收碟相當勤快，咁嘅年紀有咁嘅工作效率，實在難得，值得食客尊重，至於此店食物質素，可以講係保持到老店水準，一食落口，幾拾年前食上海菜的感覺返晒來，呢餐係冇令我失望的上海館晚餐，而唯一令我不快嘅係，此老店亦與時並進，學現時新派上海菜飯店一樣，客飯套餐衹得一餸一飯奉客，又係令我冇咗當年食，上海館客飯感覺，總結，此店食物普遍有B級水平，又有，一班老伙記嘅熱誠服務，此老店值得支持