影片
更多
2014-07-10
5280 瀏覽
DALLOYAU原來於上個月已空降香港! 對我和契媽來說是一則大新聞! 早在契媽口中聽過這個大LO YAU有幾巴閉...因為工作關係，契媽以前經常要到巴黎，每次一到巴黎就會抽空到DALLOYAU買幾件pastries同同事share，話佢有陣Royal味喎..因為原來DALLOYAU早係路易十四年代已經有，佢將DALLOYAU家族冊封為御廚，話已經有300年喎。到而家黎左香港，我自己都買到黎食，唔駛淨係聽佢講冇得食原來香港呢間個名叫DALLOYAU La Boutique。同幾個同事lunch後行去諗住買幾件share，咁就可以試晒唔同味~ 7個人7件餅，講真，D名係唔會記得..而且我都係太飽，只係食左下面嗰3件，另外嗰幾件要下次再試啦..左下係朱古力榛子撻，好香好濃嘅朱古力味~我最鍾意濃嘅朱古力，所以呢個啱我。而中間係檸檬撻，我本身唔太好呢D酸野，但同事個個話OK喎，唔好酸的同事都話好食，咁我咪食一啖。咦，又幾清新喎，甜甜地，一D都唔「漏」~好食右下係好似係佢地trademark嘅 Opera Cake，聽聞呢個Opera Cake就係出自DALLOYAU架啦。同事話佢好有層次，因為
早在契媽口中聽過這個大LO YAU有幾巴閉...因為工作關係，契媽以前經常要到巴黎，每次一到巴黎就會抽空到DALLOYAU買幾件pastries同同事share，話佢有陣Royal味喎..因為原來DALLOYAU早係路易十四年代已經有，佢將DALLOYAU家族冊封為御廚，話已經有300年喎。到而家黎左香港，我自己都買到黎食，唔駛淨係聽佢講冇得食
原來香港呢間個名叫DALLOYAU La Boutique。同幾個同事lunch後行去諗住買幾件share，咁就可以試晒唔同味~ 7個人7件餅，講真，D名係唔會記得..而且我都係太飽，只係食左下面嗰3件，另外嗰幾件要下次再試啦..
左下係朱古力榛子撻，好香好濃嘅朱古力味~我最鍾意濃嘅朱古力，所以呢個啱我。而中間係檸檬撻，我本身唔太好呢D酸野，但同事個個話OK喎，唔好酸的同事都話好食，咁我咪食一啖。咦，又幾清新喎，甜甜地，一D都唔「漏」~好食
右下係好似係佢地trademark嘅 Opera Cake，聽聞呢個Opera Cake就係出自DALLOYAU架啦。同事話佢好有層次，因為佢真係有十幾層咁多架。聞上去有好香濃的咖啡+朱古力味，食落果然有好複雜嘅味，每層都好特別...不過因為已經食左幾款...我有D飽啦...
另外，值得一讚係呢度service好好，個個都好pro會詳細介紹每種pastry的background，有問必答
聽佢地講，行入去仲有cafe(afternoon tea)同fine dining，下次可以約我honey黎試一試佢~yeah!!!
張貼
