影片
更多
2013-04-03
157 瀏覽
早前參加咗灣仔維景酒店餐廳 Le Chef Facebook 專頁嘅遊戲，最快答中 Le Chef 新行政總廚 Francisco Pazos 嘅招牌菜，就可以帶同朋友一齊去品嚐 Chef Francisco 設計嘅新菜式，好幸運成為其中一個得獎者，嘻嘻，真係好開心好期待。 第一次嚟 Le Chef，酒店大堂設計時尚，以黑白色調為主，擺放咗充滿時代感嘅雕塑，沿樓梯而上就係 Le Chef，先看到放了紅酒嘅透明酒櫃，另一邊帶點古典味嘅餐桌，中西合壁，配搭創新，給人一種型格嘅感覺。今晚嘅活動係由七點開始，不過我收工趕去到差唔多七點三，錯過咗 Welcome Drinks 嘅製作環節。我們二十四位幸運兒被安排於一長檯共享晚餐，酒店及餐廳代表亦簡介一番，之後來自西班牙嘅新行政總廚 Francisco Pazos 就講解吓今晚嘅菜式，Francisco 笑容滿面，幽默風趣，再睇番酒店提供嘅資料，原來 Francisco 三歲就已經開始下廚，有二十多年嘅烹飪經驗，除咗曾經同國際級米芝蓮名廚合作外，亦係著名嘅餐廳擔任行政總廚！嘩嘩嘩！真係好驚喜，今年西班牙之旅去唔成，反而係香港可以一試 Franci
第一次嚟 Le Chef，酒店大堂設計時尚，以黑白色調為主，擺放咗充滿時代感嘅雕塑，沿樓梯而上就係 Le Chef，先看到放了紅酒嘅透明酒櫃，另一邊帶點古典味嘅餐桌，中西合壁，配搭創新，給人一種型格嘅感覺。
今晚嘅活動係由七點開始，不過我收工趕去到差唔多七點三，錯過咗 Welcome Drinks 嘅製作環節。我們二十四位幸運兒被安排於一長檯共享晚餐，酒店及餐廳代表亦簡介一番，之後來自西班牙嘅新行政總廚 Francisco Pazos 就講解吓今晚嘅菜式，Francisco 笑容滿面，幽默風趣，再睇番酒店提供嘅資料，原來 Francisco 三歲就已經開始下廚，有二十多年嘅烹飪經驗，除咗曾經同國際級米芝蓮名廚合作外，亦係著名嘅餐廳擔任行政總廚！嘩嘩嘩！真係好驚喜，今年西班牙之旅去唔成，反而係香港可以一試 Francisco 設計嘅招牌菜式，即刻開心晒，嘻嘻！
Welcome Drink杯子盛著青綠色的飲品，感覺很清新。由於之前錯過了即席製作嘅環節，我唔知道係青提，哈哈，飲落仲以為係奇異果，因為有一粒粒嘅感覺，青提汁清甜，係不錯嘅餐前飲品。
復活蛋
係今晚嘅餐宴正式開始之前，先試一試為復活節而設嘅鵪鶉蛋，我哋係自己揀番自己嗰隻，點解？因為鵪鶉蛋係有三隻味，有黑松露，Ham， Tabasco 同埋原味，自己抽多一份神秘感。輕敲蛋殼試一試，一食就知道係黑松露味，松露很香，再試就有濃郁蛋味，真係又新奇又驚喜。
麵包去酒店餐廳晚宴都好鍾意食麵包，今晚就試咗意大利香草包 Focaccia同亞麻籽小麥包。雖然餐廳提供了黑醋，橄欖油，原粒青橄欖來伴食麵包，不過我仍然鍾情牛油，嘻嘻。意大利香草包外脆內軟，陣陣香草味道，加上牛油份外好味。亞麻籽小麥包，食落好鬆軟，好想食多個。
TOMATO!!!蕃茄冰，蕃茄乾，蕃茄凍湯
(Snow, Semi Dried Home-made, Cold Soup)
西班牙凍湯好出名，簡單嘅蕃茄凍湯係大廚手中變成蕃茄三重奏，正正係大廚設計湯名嗰三個感嘆號嘅含意。湯最面放上蕃茄沙冰，好似雪咁軟，用蕃茄蓉煮成嘅湯，質感濃郁，蕃茄酸酸甜甜，再加上粒粒蕃茄乾點綴，係一個開胃嘅蕃茄凍湯。而餐酒嘅配搭係 Sherwood Stratum Sauvignon Blanc 2012, New Zealand，不好酒嘅我，都淺嚐一啖，果味甚香，口感清新。
WAGYU和牛，秘製醬油汁，車厘茄，芒果芝麻麵
(Tataky, Osmosis Cherry Tomato, Mango-sesame Noodles)
和牛，車厘茄同芒果都係一列排，賣相簡約又不失風格。半熟嘅和牛中間呈紅色，入口嫩滑，肉脂豐腴，再配上秘製醬油汁，真係好好味。車厘茄很鮮嫩，烹調過嘅車厘茄嘅茄紅素比較容易被吸收，食落又夠軟腍，芒果擺成芝麻麵狀，很有趣，芒果肉鮮甜可口，係我今晚喜愛嘅菜式之一。
OCTOPUS八爪魚伴蘋果，西班牙紅椒粉辣泡泡
(Granny Smith, Paprika Air)
跟住 Francisco 嘅招牌菜出場喇！層層青蘋果薄片，中間夾著八爪魚粒，被西班牙紅椒粉辣泡泡包圍，真係好特別！八爪魚足切成粒狀，都好大粒，肉質煙韌彈牙，醬汁濃郁，配青上蘋果薄片，很清新，再加埋微辣嘅紅椒粉泡泡，味道很惹味。
餐廳方面更特意安排大廚即席示範，原來製作過程都唔簡單，係一個很花心思嘅菜式。
COULANT白朱古力心太軟，香橙雲呢拿，黑椒
(White Chocolate, Orange, Vanilla, Black Pepper)
由於今晚有二十幾人，為咗可以令大家快啲品嚐甜品，餐廳安排了大廚團隊出來為我們準備甜品，嘩嘩嘩！成檯都係白朱古力心太軟，好震撼！
香橙雲呢拿蛋糕，內裡係白朱古力流心。平時唔鍾意食橙味蛋糕嘅我，起初都有啲擔心，點知食落又好好味，香橙味清新不過火，就算加埋白朱古力，味道和甜度適中。最...最...最...特別嘅就係黑椒味雪糕，辣味一向係同熱食相配，黑椒雪糕都係第一次食，意念創新不在話下，黑椒雪糕同橙味白朱古力心太軟，味道又出奇地夾。
餐廳亦提供了餐酒 Pedro Ximenez Alexandro, Spain 給我哋享用，酒色褐紅，酒香味甜，不過我自己不太好紅酒，都係輕嚐一口。ICE-CREAM
斑蘭雪糕
(Pandan Favor)
之後再來一口斑蘭雪糕，斑蘭雪糕顏色青綠，味道清新，一小杯又點可以滿足到我呢，哈哈哈哈。
COFFEE & TEA熱檸水
(Hot Lemon Tea)
最後以熱檸水作結，大大片檸檬，檸味十足，作為餐後嘅飲品，不過不失。
餐廳服務員隨後奉上一個小木盒，盒上有花花，估唔到係放咗牙簽，真係好別緻。總括而言，今晚嘅菜式確係令人充滿驚喜，大廚 Francisco 很注重客人嘅意見，進餐期間會不時問我哋食後感。是晚餐廳食物質素和服務都很好，再次多謝酒店和餐廳嘅悉心安排，希望下次有機會再試 Francisco 嘅創新菜式。
張貼
