影片
更多
2022-09-17
21 瀏覽
近期同朋友去左呢間新既omakase店試試 店舖好隱世 門口系純啡色木門 如果唔系睇到佢地既招牌都搵唔到🙈裏面都好幽暗 有包房 大廳座位只有十個左右 師傅都有3個 幾健談🤣店員成日都會主動加水、換碟等 整體感覺幾良好✨有兩款omakase set <花>、<見> 我地今次食左平啲價位個款 都有20多種食物架🤣一坐低 店員放低小食鱈魚干🐟脆卜卜 香口惹味！🔸前菜四款🔸師傅話要順時針食鬼爪螺鮮甜濕潤 好小見到🤣 唔使點任何汁都可以食！目干魚無骨之餘脆卜卜 鮮味十足蒜菜海膽酸酸地好開胃 啫喱滑溜爽口 配搭埋海膽嘅鮮甜🙌🏻黑門貝有咬口食落煙韌 味道比較濃郁 小小黏口🔸刺身六款🔸由淡味到濃味食 擺盤好有心思😍4 太刀魚個人最愛🙌🏻 加左胡椒柚子 而且煙燻過 味道濃郁 齒頰留香1 真鯛卷住拖羅蓉及金飛魚籽 較黏口 鮮甜清新 味道好豐富 飛魚子好脆口 增加口感！3 金目鯛外皮燒左 焦香味十足 加埋梅醬酸酸地 開胃新鮮！2 帆立貝面層佈滿生海膽粉 炒香放上去 味道鮮甜厚身 帆立貝飽滿 好滿足！🔸一品料理、燒物🔸 跟次序由淡味到濃味食3鯖魚🐟:個人最愛😍 蛋白打到變泡 師
近期同朋友去左呢間新既omakase店試試 店舖好隱世 門口系純啡色木門 如果唔系睇到佢地既招牌都搵唔到🙈裏面都好幽暗 有包房 大廳座位只有十個左右 師傅都有3個 幾健談🤣店員成日都會主動加水、換碟等 整體感覺幾良好✨
有兩款omakase set <花>、<見> 我地今次食左平啲價位個款 都有20多種食物架🤣一坐低 店員放低小食鱈魚干🐟脆卜卜 香口惹味！
🔸前菜四款🔸師傅話要順時針食
鬼爪螺
鮮甜濕潤 好小見到🤣 唔使點任何汁都可以食！
目干魚
無骨之餘脆卜卜 鮮味十足
蒜菜海膽
酸酸地好開胃 啫喱滑溜爽口 配搭埋海膽嘅鮮甜🙌🏻
黑門貝
有咬口食落煙韌 味道比較濃郁 小小黏口
🔸刺身六款🔸由淡味到濃味食 擺盤好有心思😍
4 太刀魚
個人最愛🙌🏻 加左胡椒柚子 而且煙燻過 味道濃郁 齒頰留香
1 真鯛
卷住拖羅蓉及金飛魚籽 較黏口 鮮甜清新 味道好豐富 飛魚子好脆口 增加口感！
3 金目鯛
外皮燒左 焦香味十足 加埋梅醬酸酸地 開胃新鮮！
2 帆立貝
面層佈滿生海膽粉 炒香放上去 味道鮮甜厚身 帆立貝飽滿 好滿足！
🔸一品料理、燒物🔸 跟次序由淡味到濃味食
3鯖魚🐟:
個人最愛😍 蛋白打到變泡 師傅話咁會令到魚身滑啲 油分好足 入口即溶 口感一流！
1角螺 粒貝
用左岩鹽調味食落爽口 配埋紫蘇花葉 味道較淡
2牡丹蝦
蝦膏甘香 較黏口 鮮甜無比
4松葉蟹凍🦀
裏面加左珍珠蒟蒻 煙韌透明 再加埋馬糞海膽既鮮甜滿滿既蟹肉 食完會好滿足
5鮟鱇魚肝米通
好新奇特別 加左三文魚籽、魚子醬、金箔 味郁濃郁 鮟鱇魚乾好甘香 魚子爆汁 師傅話會較出面既煙薰更 健康！
6水果番茄🍅
加入淡雪鹽 鮮甜開胃 味道清爽！
🔥燒帆立貝
紫菜香脆 燒到焦香厚身 好飽滿 暖暖地幾好食
🔥沙甸魚肝魚 中拖大拖羅
師傅話黃豆紙可以食🤣我未試過 沙甸魚乾可以吸走拖羅既魚油 唔會好似紫菜咁易淋 油分好充足 半生熟 既口感 食落無根 魚味濃郁！
🔥鹿兒島m4和牛
肉味重 一咬落去油脂感滿滿 配埋蒜片一齊食好香口
🔸壽司六貫🔸
🍣北寄貝
食落爽身鮮甜 味道較淡
🍣鰈魚 用上兩個部位(腩位、肌肉位)
油分充足 肥美且飽滿 加埋青蔥 清新口感
🍣富山灣白蝦
甘甜黏口 用左好多隻小型白蝦整出黎🤣🙌🏻
🍣鰹魚醬油漬
淋身 魚味濃郁
🍣吞拿魚面脥肉
燒一燒有口感 加埋蛋黃醋 食落好重魚味 油分重
🍣磯之雪 米漿加昆布 馬糞海膽
昆布同紫菜一樣脆 但系唔會咁易淋 鮮甜 入口即溶
🔸湯、甜品🔸
🥣大蝦麵豉湯
鮮甜濃郁 暖胃😍 蝦肉爽口彈牙 大大隻！
🍈靜岡蜜瓜 豆蓉水信玄餅
蜜瓜冰涼清甜 水信玄餅有啫喱嘅口感 加埋豆蓉 好滿足 為我完美既晚餐劃上句號✨
張貼
