你妳 (已結業)

紅磡新開左呢間台式小店，雖然佢嘅主打係芋泥吐司，皆因我喺出邊食過，覺得一啲都唔好食，所以對佢有陰影唔會再叫😆所以今次叫咗一個芝士肉鬆蛋餅$38，同埋仙草3號$38。先講個蛋餅，覺得幾好食😋普遍出去食蛋餅，都係普通蛋漿。但我比較鍾意佢係用手抓餅做面，食落又鬆脆又好味😋不過略嫌入面隻雞蛋太過熟同埋無打匀。另外見好多人食仙草，我叫咗個仙草3號，雖然只係$38，但份量真係好多，一個人完全食唔晒。另外一提，就係嗰三粒布甸，超級甜，食咗一粒之後冇食。所以個人建議，可以叫仙草1號或者2號，唔使叫3號，因為3號只係呢幾粒布甸。而且仲要超甜。