馬宮主

營業中

休息中

聖誕同朋友出街食晚飯，個個都食聖誕大餐，但朋友一向唔鍾意食西餐，又比較嚐辣，我地就反傳統約左間川菜館。店內好不熱鬧，全部枱已full booked，仲大部份係大枱添，都係一家大細三代同堂一齊食餐飯😊餐牌有川菜有粵菜，仲有羊腩煲、雞煲、烤魚等，選擇甚多😋⭐乾煸肥腸先來個香口野，遠遠已經飄來辣椒香味，肥腸夠肥😆咬落一口肥油好正，勁香脆👍⭐老成都口水雞口水雞要左半隻，份量唔少喎，唔係bb雞😆雞肉嫩滑，仲係微溫的好正，好多餐廳做好放雪櫃搞到一陣雪味，呢度無咁情況😋個口水汁辣得黎帶少少酸，酸酸辣辣真係讓人口水直流🤤⭐饞嘴跳跳蛙呢個要左bb辣但都係滿江紅😂入口第一啖堅辣，食多幾口唔知係咪習慣左，辣得黎好香好過引喎，越食越惹味，田雞肉嫩鮮味，配料有勝瓜、大荳芽等，滿滿一盤好抵食🤤大推，呢盤必叫！⭐蒜蓉炒豆苗全部都辣，叫返碟清清地嘅炒菜，豆苗翠綠，食落清香質地柔嫩，條條菜軟唔老身😋⭐白飯咁好餸叫返個白飯送下先😆好好味，辣得黎香口，基本上成餐連水都無飲，唔係死辣嗆喉個種，高質川菜黎。價錢都唔貴吖，碟頭大同真材實料㗎。