八居酒屋 (旺角新城)

營業中

休息中

好多年前已經食過八居酒屋，佢係尖沙咀天文臺道嘅總店。該店主打串燒。現時旺角開分店，就主打刺身壽司，當然支持下。八居酒屋最貼心既服務，係見到客人有飲啤酒時，廚師會燒串燒更香口比顧客送酒。咁體貼顧客用心做嘅餐廳，香港真係少用。旺角店裝修以木系為主，有卡位，坐得舒適。旺角分店有好多款定食叫，有牛肉、豚肉、鰻魚等。 店員推要試旺角分店嘅刺身同牛舌串燒，所有刺身食材都由日本空運來港。見刺身飯咁抵食，就同朋友叫咗個三色刺身飯。再加多$20，配茶碗蒸、什菜沙律及麵鼓湯，夠晒飽肚。三色刺身飯有三款刺身，包括三文魚、甜蝦、刺身魚片。 三種刺身都非常新鮮，刺身解凍嘅溫度亦剛剛好唔會過冷亦唔會過熱。每一篇刺身厚度適中，唔會扮切得太薄或過厚而失去口感。本來仲有一嚿Wasabi食落去非常攻鼻，證明非常新鮮。另外，叫了兩款串燒。汁燒雞肉串非常香嘅雞串，食落去雞肉非常之嫩口，好彈牙好爽，超有雞味。再配埋燒汁，令到雞肉更加野味。鹽燒雞腎串燒到雞腎勁香，咬落去索索聲。雞腎好爽脆，唔會好韌，一咬即刻即斷開。再加埋鹽令雞腎更提鮮。