樂樂韓式豬手

營業中

休息中

聽講西九龍中心8樓嘅food court 雲集各地美食，有中餐、西餐、泰國菜、新加坡菜、日本菜等等，呢到有好多不同嘅小店，而我今次就係想試呢間韓式小食，主要售賣三款小食，有飯卷、韓式年糕同埋韓式豬手。招牌原味豬手 原味有全份或半份，我揀咗半份，半份份量都幾多，兩個個人食就啱啱好，豬手肉質軟腍，豬皮爽彈，骨膠原滿滿，仲有埋韓式醬汁，辣辣地食落好惹味，醃椰菜酸酸地，解膩一流！樂樂豬韓式原味飯卷 飯卷有幾種口味，我揀咗原味，飯卷紮實不易鬆散，配料有蟹柳、青瓜、醃蘿蔔、紅蘿蔔絲等，飯卷真係食極都唔厭。炸醬炒年糕貪心嘅我好想食炸醬麵，又想食年糕，呢款炸醬炒年糕就啱曬我，年糕口感軟糯，年糕沾滿濃郁嘅炸醬汁，食到停唔到口。