影片
更多
2021-06-30
4159 瀏覽
29歲嘅牛一有女朋友悉心安排左呢餐人生食過最豪華嘅新派法國菜，三個小時食左八道菜，兩份snack同飲左七杯Cocktail，每一道菜都係一件食得落肚嘅藝術品，影左太多靚相所以真係要逐一同大家介紹下呢！先簡單介紹下呢間餐廳先，VEA 係用總廚Vicky CHENG同總調酒師Antonio個名嘅第一粒英文字而改成。貴為米芝連一星餐廳同2021年亞洲五十強餐廳之中嘅第十六位，想幫襯嘅話要最早28日前就要上網預約。餐廳概念係以中 X 法式菜crossover，每道菜式都唔難搵到有中餐嘅元素。即使一個八道菜嘅menu 盛惠1980大元，依然晚晚一開新reservation 即full，可見呢間法國餐廳嘅受歡迎程度。🍱𝕊𝕟𝕒𝕔𝕜𝕤 打頭陣嘅係一共四款嘅signature snack，打開音樂盒上嘅紙捲寫住「鹹魚白菜也好好味」，一句耳熟能詳嘅廣東歌詞成為左創作靈感，以鹹魚，豬肉，白菜同埋雞蛋打成cream 再釀入雞蛋殻。幾乎每個客人都會用佢黎打咭㗎。🦑𝕊𝕢𝕦𝕚𝕕 食完snack 之後第一道菜餐牌原本安排嘅係蠔，餐廳知道我唔食蠔好好地幫我轉左做燒魷魚，配勁甜嘅台灣蕃茄同法國士多啤梨。我極度建議大家要試
先簡單介紹下呢間餐廳先，VEA 係用總廚Vicky CHENG同總調酒師Antonio個名嘅第一粒英文字而改成。貴為米芝連一星餐廳同2021年亞洲五十強餐廳之中嘅第十六位，想幫襯嘅話要最早28日前就要上網預約。餐廳概念係以中 X 法式菜crossover，每道菜式都唔難搵到有中餐嘅元素。即使一個八道菜嘅menu 盛惠1980大元，依然晚晚一開新reservation 即full，可見呢間法國餐廳嘅受歡迎程度。
🍱𝕊𝕟𝕒𝕔𝕜𝕤
打頭陣嘅係一共四款嘅signature snack，打開音樂盒上嘅紙捲寫住「鹹魚白菜也好好味」，一句耳熟能詳嘅廣東歌詞成為左創作靈感，以鹹魚，豬肉，白菜同埋雞蛋打成cream 再釀入雞蛋殻。幾乎每個客人都會用佢黎打咭㗎。
101 瀏覽
2 讚好
0 留言
134 瀏覽
0 讚好
0 留言
🦑𝕊𝕢𝕦𝕚𝕕
食完snack 之後第一道菜餐牌原本安排嘅係蠔，餐廳知道我唔食蠔好好地幫我轉左做燒魷魚，配勁甜嘅台灣蕃茄同法國士多啤梨。我極度建議大家要試佢地嘅Cocktail Pairing，畀多$680 一位就可以每道菜有杯特別調配雞尾酒。而呢道菜嘅pair Cocktail 就正正係用redistilled Tabasco同gin 而製成，飲落有Tabasco 酸酸嘅味道勁有特色之餘又勁開胃。
85 瀏覽
1 讚好
0 留言
98 瀏覽
0 讚好
0 留言
🌳𝔾𝕣𝕖𝕖𝕟 𝔸𝕤𝕡𝕒𝕣𝕒𝕘𝕦𝕤
同樣地餐廳悉心幫我將唔食嘅海膽轉左做黑松露。又係估唔到露筍可以整到一碟咁好食嘅菜，配埋伴碟嘅麻油，榛子粒同魚做嘅汁，岀乎意料嘅好味。
73 瀏覽
1 讚好
0 留言
🥢𝕎𝕙𝕚𝕥𝕖 𝔸𝕤𝕡𝕒𝕣𝕒𝕘𝕦𝕤
食完露筍仲有白露筍岀場，呢碟菜係以中式金華火腿去煮個汁再淋上去伴碟，再加埋兩球魚子醬，食落完全無腥嘅感覺。值得一提餐廳嘅所有staff 態度都好好，上每道菜都會悉心同你講解煮法同選材，令你好involve 落餐飯度而唔係將食物食左落肚就完。就算平時好少食開fine dining，你黎到都唔會好陌生嘅感覺。
46 瀏覽
0 讚好
0 留言
唔好睇法國菜每碟細細份會食唔飽，食完四道菜都未入主菜其實已經五六成飽。不過勝在有上佳嘅烹煮方法同埋選用頂級食材，加上有岀色嘅Cocktail pairing，令到你係一餐三個鐘嘅晚餐入面都可以由頭到尾保持戰鬥力。
🍴𝕊𝕖𝕒 ℂ𝕦𝕔𝕦𝕞𝕓𝕖𝕣
呢道算得上係我全晚最中意嘅菜。用虎蝦製作嘅蝦膠釀入日本北海道海參再炸香，外層乾脆但內裡海參同蝦膠依然保持彈牙同鮮嫩。拌碟用上極濃味蝦汁，再係上菜之時即場噴上薄薄一層二十年紹興花雕酒。中國酒香加上法式菜煮法，配以鮮味食材同獨特口感，絕對係呢餐飯嘅MVP!
51 瀏覽
0 讚好
0 留言
🥠ℂ𝕣𝕚𝕤𝕡𝕪 𝔻𝕒𝕚𝕜𝕠𝕟
終於黎到第一道主菜，廚師先將大根(白蘿蔔)炸到外層脆卜卜，面頭放上一隻日本生雞蛋。篤穿蛋黃讓蛋黃漿完整覆蓋整件大根，配埋拌碟特製黑松露汁，不得讚嘆總廚Vicky 可以將一樣如此平民大眾嘅食材烹煮岀一味如此高水準同high class 嘅菜式。
40 瀏覽
0 讚好
0 留言
值得特別介紹呢道菜嘅Cocktail pair 係以玄米茶，伏特加同桂花調配，溫度唔係凍而係微微暖，飲落口其實似有少少酒香嘅花茶多啲，清清地好舒服。
🐑𝔸𝕧𝕖𝕪𝕣𝕠𝕟 𝕃𝕒𝕞𝕓
呢一道主菜用上法國南部羊肉，模仿中式燒肉烹調方法將外皮烤焗至香脆，皮下有薄薄一層羊脂，而羊肉恰當地煮至半熟。粉紅色羊肉切落去勁淋，依然保持嫩滑口感。
36 瀏覽
0 讚好
0 留言
呢道菜襯配利用羊汁煮嘅粒飯，可以話係吸收哂羊嘅精華。羊味會較重但羶味絕對係可接受程度，連平時好少食羊嘅我都覺得好好味，所以唔洗驚會食唔慣。
黎到最後就係進入甜品嘅時間。食甜品之前，有全晚嘅最後一杯亦都係餐廳嘅signature Cocktail。以圓型樽裝滿左不同嘅水果薄片，再以薰衣草同埋Gin 調製岀呢杯充滿花果香味嘅雞尾酒，清空口腔濃烈味道，好好準備餘下落黎嘅幾道甜品。
🐦𝔹𝕚𝕣𝕕’𝕤 ℕ𝕖𝕤𝕥
第一道甜品以矜貴又滋補嘅燕窩製成。底層先係舖滿甜甜蜜瓜粒，中層係北海道牛乳製作成嘅滑溜奶凍， 而最面層用上新鮮嘅燕窩。三層食材口感不一，建議一匙又面潷到落底，一啖品嘗哂三種不同食材。咁滋潤養顏嘅甜品，相信一定會受到女生嘅特別鍾愛。
26 瀏覽
0 讚好
0 留言
🍨𝔹𝕝𝕒𝕔𝕜 𝕋𝕣𝕦𝕗𝕗𝕝𝕖
第二道岀場甜品係由黑松露雪糕配新鮮岀爐梨撻。侍應即場將梨撻一分為二，酥皮撻邊勁鬆勁脆，加上中間一塊塊仲熱嘅梨肉，襯埋冰凍嘅雪糕同南北杏碎，一啖將冰與火同埋唔同口感嘅食材放哂入口。好少聽會用黑松露黎做甜品，但梨嘅清香岩岩可以中和左雪糕濃烈嘅味道，mix 埋一齊味道非常獨特。
26 瀏覽
0 讚好
0 留言
🧁𝕄𝕚𝕘𝕟𝕒𝕣𝕕𝕚𝕤𝕖𝕤 𝕊𝕨𝕖𝕖𝕥 𝕊𝕖𝕝𝕖𝕔𝕥𝕚𝕠𝕟
係最後一份sweet selection 之前，加插左餐廳悉心為我呢個壽星公安排嘅生日朱古力豬仔，仲有侍應影嘅一張即影即有相，為呢餐飯留下一個回憶。Sweet selection 有五件細細嘅甜點，全部手工都非常精緻，而且不乏中式點心元素，全部做得皮薄同埋仔細，亦唔會好似一般法式甜品咁勁甜，食多幾件都唔會膩。
23 瀏覽
0 讚好
0 留言
一餐三個鐘嘅中法fusion 菜到此劃上句號。以前覺得自己唔會中意法國菜，加上價錢不菲，亦都相對抗拒去嘗試。VEA 呢度絕對會係平時好少食或者未接觸過法國菜嘅朋友去嘗試嘅一間好餐廳，食完包你有讚無彈！
📍 VEA Restaurant
中環威靈頓街198號The Wellington30樓
張貼
