KiKi茶 (已結業)

以前係kiki麵食過，飲過入面嘅野飲都覺得唔錯。原來呢間食麵嘅餐廳靜靜雞開咗一間台式飲品店，坐落係東涌東薈城地庫一間超市入面。鋪頭有好多kiki麵裝飾除咗一般嘅台式飲品，仲有一啲有趣嘅飲品，今日試咗楊枝甘露。飲落好似食緊楊枝甘露甜品一樣，入面有好多芒果爆珠，咬落去會爆哂啲芒果汁出嚟。除咗芒果爆珠外，仲有好多芒果肉。奶用咗甜品嘅椰奶，所以味到好夾。甜度方面，kiki茶屬於偏甜，建議揀返少甜。價錢方面，楊枝甘露係特別嘅飲品，所以比較貴。其他人飲品就同一般台式飲品差唔多。