圍威喂 (荃灣廣場) (已結業)

同朋友去圍威喂～ 餐廳叫做圍威喂真係好特別～ 咬左廣東話食字，餐廳好Chill，有一個大大嘅草葉牆壁可以打卡，餐廳嘅裝飾都帶有玩味！非常特別我地叫左2個主食加1個小食再加一碟菜同埋兩杯飲品！ 主食叫左香葉炒肉碎太陽蛋飯同埋海南雞拼娘惹喇沙湯麵～ 一個飯加一個湯麵～ 香葉炒肉碎太陽蛋飯既炒肉碎好好味呀！個人認為炒得好香好正！海南雞啲肉都幾滑配埋娘惹喇沙湯麵幾有特色！小食叫左冬陰功單骨雞翼，係幾好味喎！香脆又好味！蒜蓉炒通菜炒得好香，啲菜好新鮮好好味！飲品係是諗但泰式珍珠奶茶🧋珍珠奶茶真係好正宗好好味！另一個飲品係榴槤忘返在馬拉～ 呢個咁樣心思嘅名究竟係咩嚟！原來佢就係蔗汁加左1塊好似腐乳咁嘅樣榴槤！飲落去有清甜同埋榴槤嘅清香，超級特別！