Edenfa (已結業)

最近聽同事講Edenfa做緊半自助餐，於是今晚就约左朋友今夜去一齊做下白老鼠順便聚舊。去到餐廳發覺環境都真係唔錯，一方面靜靜地咁，超岩同朋友黎食下野傾下偈咁，另一方面可能係tst啲街真係太熱lu，所以一入到坐低已經好舒服。 跟住我地就即刻睇下餐牌睇下今晚有咩好食。。。所謂嘅半自助餐，就係叫左一個主菜之後可以無限量咁食，餐廳提供嘅湯、沙律吧，甜品同埋冷盤，另外亦可以無限量咁飲餐廳指定飲品。首先冷盤方面有東風螺同蜆，蜆都幾爽口，有小小甜味，東風螺就有點沙，不過口感唔錯。沙律方面，餐廳都提供左唔小嘅蔬菜，等客人可以自己拼出自己鐘意嘅沙律拼盤，我拎左唔小嘅沙律菜，再加埋千島醬，酸酸甜甜咁，超開胃。另外，呢度仲有南瓜湯，蒜蓉包同芝士，南瓜湯都算濃，唔會太淡。而蒜蓉包各個客人可以根據自己嘅喜好放入個烤爐度烤一烤先食，芝士方面，餐廳配埋餅乾俾你配芝士，呢度嘅芝士都算唔錯，唔配餅食，都唔會太難入口，大家仲可以自己切啲加入沙律度嫁食完一堆冷盤同前菜之後，主菜終於上枱喇 ----- 法式保雲蘇烤焗羊扒。頭先叫主菜嘅時候，侍應同我介紹話廚師要預早一日掩製，之後再用香蒜焗，最後完成，可以上枱。見個侍應講到咁好