旺囍車仔麵 (已結業)

同朋友係旺角行街，想食車仔麵，結果行行下真係大大個招牌寫住車仔面，就跟住個招牌行車仔麵店黎講，環境算好乾淨企理，而且裝修好特別，走復古路線，同平時既車仔麵店好唔同店鋪牆身仲掛住左食物名稱既牌，令人一目了然食物款式幾多，而且都幾特別，搞到我樣樣都好想食好想試😂叫左杯凍鴛鴦，奶茶同咖啡既比例調配得幾好，味道好融洽朋友就叫咗凍檸樂，係一整罐可樂上，可以揀全糖或者Zero叫咗碟炸魚皮，食落好脆，鹹鹹香香，碗麵未嚟到，幾乎當薯片咁食晒朋友就叫咗碗油麵、魚肉春卷、鯪魚球、雞翼同貢丸，份量都幾多，每個餸都有3件，試左朋友每樣少少，魚肉春卷外脆內軟，魚肉味幾重。鯪魚球炸得好香脆，口感彈牙，好足料。雞翼肉質幾滑。貢丸大大粒，食到冬菇香而我就叫左粗麵，粗麵口質煙煙韌韌，索哂d湯汁，牛腩好腍入味，豬軟骨d骨都好易咬開幾好味。而蘿蔔清甜，去除油膩感。車仔麵黎講算係幾高質。