摩豆 (已結業)

雞蛋仔、格仔餅，都係我由細到大嘅至愛，可惜嘅係，衣家無幾多地方可以做出水準。平時經過弼街，都好想試下呢間，但佢長期都好多人，怕排隊嘅我，一直都無試過。直到今日，可能係weekdays，排隊嘅人唔多，即本一試不論係雞蛋仔定格仔餅，款式都好多又新奇怕選擇困難？唔洗驚，佢有個超大輪盤，轉一轉，得左全部都即叫即做，所以都要等得耐少少，我揀左個金莎朱古力格仔餅，等左10分鐘。賣相比我想像差，不過唔重要，重點係:佢啲餡料真係超多。。。係就係貴左啲，但食三份一已飽到上心口，同人share啱啱好。