Stickhouse (已結業)

帶肥髀去時代廣場睇戲前，特別去地庫試新雪條店，一個櫃檯，可能時間尚早，雪條款式唔多，除了雪條，仲有奶昔，我同肥髀各選一款，店員問我哋要唔要包朱古力同加topping!（其實呢間雪條店賣點係加外層嘅topping)我哋兩個都唔使！佢就將雪條放入一個紙兜！我比八達通比錢！蜜瓜（$28）粉綠色好靚，雪條冰感，質感比較實，蜜瓜味清甜唔假！芝麻（$32）三角形灰色唔算靚，質感實淨，芝麻足料味濃，味道唔會好甜，中央有啲沙沙嘅芝麻衣！好味兩個女店員有禮！不過我買雪條就攞去旁邊food court坐低食，都唔需要好多服務！消費可以儲印仔！雪條幾好味，不過價錢略貴，加朱古力脆皮賣點唔算特別！