影片
更多
2023-05-01
28 瀏覽
醉美島早幾日元朗針灸完，去咗鳳攸南街新開嘅串燒店食串燒，間串燒店雖然門口有一級，但門外都有幾張枱比人坐，點知一坐就開始落大雨，好彩店舖外面有帳篷擋到雨！當晚落雨兼平日仍有好多食客幫襯，搞到店內2個店員做到踢哂腳，佢哋都話無諗到平日都會爆哂場，我哋一坐低店員會比正方形白色包裝係手套（勁似安全套）同長方形黑色包裝係濕紙巾。新張期間只要LIKE佢哋IG或FB可以以$1抽一串盲盒串燒！等咗大約15分鐘就有串燒上枱，每張枱都會有一個迷你火爐比你將串燒野食保溫住，呢一點真係好細心！1.金菇肥牛卷（串）$38（9/10）我哋叫咗2串，每串有3大舊金菇肥牛卷，肥牛燒得啱啱好，唔會燒到好韌，連埋金菇一齊食好爽口多汁！2.惹味牛舌$38（9/10）牛舌係我最愛，去到邊都會必叫，1串3舊，每舊灑滿孜然粉同辣椒粉，真係無講錯好惹味！3.雞全翼（串）$26（9/10）我哋叫咗2串，雞全翼肉質嫩滑，面上灑滿孜然粉同辣椒粉，唔錯！4.惹味雞軟骨（2串）$28（8/10）我哋叫咗6串，雞軟骨硬咗少少，都算惹味，肉質算彈牙！5.雞腎串（串）$18（8/10）我哋叫2串，雞腎爽口彈牙！6.燒雞皮$28（2串）（6/10）
早幾日元朗針灸完，去咗鳳攸南街新開嘅串燒店食串燒，間串燒店雖然門口有一級，但門外都有幾張枱比人坐，點知一坐就開始落大雨，好彩店舖外面有帳篷擋到雨！
當晚落雨兼平日仍有好多食客幫襯，搞到店內2個店員做到踢哂腳，佢哋都話無諗到平日都會爆哂場，我哋一坐低店員會比正方形白色包裝係手套（勁似安全套）同長方形黑色包裝係濕紙巾。新張期間只要LIKE佢哋IG或FB可以以$1抽一串盲盒串燒！
等咗大約15分鐘就有串燒上枱，每張枱都會有一個迷你火爐比你將串燒野食保溫住，呢一點真係好細心！
1.金菇肥牛卷（串）$38（9/10）
我哋叫咗2串，每串有3大舊金菇肥牛卷，肥牛燒得啱啱好，唔會燒到好韌，連埋金菇一齊食好爽口多汁！
2.惹味牛舌$38（9/10）
牛舌係我最愛，去到邊都會必叫，1串3舊，每舊灑滿孜然粉同辣椒粉，真係無講錯好惹味！
3.雞全翼（串）$26（9/10）
我哋叫咗2串，雞全翼肉質嫩滑，面上灑滿孜然粉同辣椒粉，唔錯！
4.惹味雞軟骨（2串）$28（8/10）
我哋叫咗6串，雞軟骨硬咗少少，都算惹味，肉質算彈牙！
5.雞腎串（串）$18（8/10）
我哋叫2串，雞腎爽口彈牙！
6.燒雞皮$28（2串）（6/10）
呢個雞皮燒得唔夠脆，硬咗少少！
7.台灣黑椒味香腸（串）$18（9/10）
呢條黑椒味香腸又粗又大，黑椒味少少辣，個皮似芝士腸咁脆身，好好食！
8.新鮮串燒蝦（隻）$15（7/10）
我哋叫2串串燒蝦，燒乾咗少少，蝦算大隻！
9.蒜蓉茄子$38（9/10）
呢原條茄子面上灑滿孜然粉同辣椒粉，好惹味！
10.秘汁金針菇$38（8/10）
呢兜金針菇用秘汁整，口味同出面好唔同，食落去少少辣，好惹味！
11.盲盒（串）$1（10/10）
一元盲盒抽到有魚肉丸同香腸，非常抵食！
12.飲品:罐裝無糖可樂*1，罐裝可樂*2 $39（9/10）
不叫不可，樣樣都好惹味，需要可樂幫手！
3人總共價錢$480
個人口味總評分：8.41/10
地址：元朗鳳攸南街3號好順景大廈地下10號舖
張貼
