影片
更多
2019-07-13
475 瀏覽
茶餐廳是香港人不可或缺的飲食文化，其經典食品，如港式奶茶、西多士、沙嗲牛肉即食麵和乾炒牛河等，都別具地道風味 。早前出席了「香港地」位於山頂凌霄閣嘅重新開幕慶祝儀式，得知餐廳除了店內外重新裝修過，搖身一變，成為一間前衛型格的茶餐廳之外，更以「香港味道．點止地道」為新店精神，將四大香港核心價值：「創新地道、細味讚賞、自強堅毅、與時俱進」發揚光大。近年有不少食肆開始應用科技，試用自動點餐機，而呢間山頂分店亦唔例外，與時俱進，客人除了可以掃描 QR Code 查閱餐牌及落單外，更可遙距網上落單付款叫外賣，極為方便。另外餐廳亦特別設置了「藝術展覽空間」，俾本土藝術家向全球客人展示本土嘅藝術同文化，而這次就誠邀咗香港藝術家彭淑儀 Agnes Pang 合作舉辦《香港地．四圍走》畫展，於店外展出多幅以交通工具為主題的畫作，讓食客享用美食之餘，更可以用幾分鐘走訪香港各處，重新認識香港人居住的地方。開餐前先點飲品，呢兩款分別係濃朱古力沙冰奶同紅豆沙冰奶，兩款沙冰的造型都好搶眼，將樽裝維他奶倒插於飲品內，最啱就係用嚟影相啱 Like。朱古力沙冰用上香濃嘅朱古力，再加入維他奶，童年回憶番曬嚟。另外粒粒紅豆
茶餐廳是香港人不可或缺的飲食文化，其經典食品，如港式奶茶、西多士、沙嗲牛肉即食麵和乾炒牛河等，都別具地道風味 。早前出席了「香港地」位於山頂凌霄閣嘅重新開幕慶祝儀式，得知餐廳除了店內外重新裝修過，搖身一變，成為一間前衛型格的茶餐廳之外，更以「香港味道．點止地道」為新店精神，將四大香港核心價值：「創新地道、細味讚賞、自強堅毅、與時俱進」發揚光大。
近年有不少食肆開始應用科技，試用自動點餐機，而呢間山頂分店亦唔例外，與時俱進，客人除了可以掃描 QR Code 查閱餐牌及落單外，更可遙距網上落單付款叫外賣，極為方便。
另外餐廳亦特別設置了「藝術展覽空間」，俾本土藝術家向全球客人展示本土嘅藝術同文化，而這次就誠邀咗香港藝術家彭淑儀 Agnes Pang 合作舉辦《香港地．四圍走》畫展，於店外展出多幅以交通工具為主題的畫作，讓食客享用美食之餘，更可以用幾分鐘走訪香港各處，重新認識香港人居住的地方。
開餐前先點飲品，呢兩款分別係濃朱古力沙冰奶同紅豆沙冰奶，兩款沙冰的造型都好搶眼，將樽裝維他奶倒插於飲品內，最啱就係用嚟影相啱 Like。朱古力沙冰用上香濃嘅朱古力，再加入維他奶，童年回憶番曬嚟。另外粒粒紅豆沙冰配支裝維他奶亦很有特色，想不到兩者合併後味道咁夾，維他奶令紅豆冰的質感更順滑。
食物方面，打頭陣的是「香港地」山頂凌霄閣分店限定的升級美食最高．銀牙肉絲麵，麵餅炸得非常香脆，外型如小山丘般高聳，加上清爽香甜的銀芽和芡汁，口感一流，百分百港式風味。
接著是「香港地」的招牌美食頭抽乾炒 M5 澳洲和牛炒河粉，成品選用了 M5 澳洲和牛入饌，再配以「九龍醬園」的生抽炮製，入口不會太鹹，充滿獨特的豉油香。河粉幼切，伴以芽菜和蛋絲，加上爽口彈牙且肉味濃郁的和牛，保證食過番尋味！
沙嗲牛肉即食麵，沙嗲牛肉製作十分有心思，牛肉即炒，質地不會過份軟腍，配上自家即製沙嗲醬，非常惹味。湯底夠熱，入口濃淡適中。
跟住係重量級咖喱豬扒飯，成品選用了大大件厚身豬扒，再以超幼麵包糠香炸，豬扒食落非常香脆，肉味濃郁且纖維柔軟嫩滑，咬落很 Juicy，加上香濃惹味的港式咖喱，絕對稱得上是真正的重量級美食！
至於呢款砂鍋．窩蛋三蝦香菇飯用料亦絕不欺場，成品用上三種蝦的材料，包括：鮮蝦、蝦乾、蝦籽，再加入翠玉瓜、冬菇、雞蛋，澆淋鮑魚汁，並與泰國香米和瑤柱熬煮的上湯一同炮製，層次豐富，令人垂涎。
壓軸是三款晚市精選時令小菜，當中包括有海皇素翅冬瓜盅、鳳梨咕嚕魚柳及金瑤柱瓜甫扒翡翠苗。冬瓜盅特別選用了素翅，再配上廚師精挑海鮮，用料非常豐富。冬瓜滲滿了鮮甜清湯，入口啖啖軟腍；素翅絕不遜色，口感軟滑，加上香味天然的瑤柱和爽甜蝦球，一啖入口，暑氣全消。
另外鳳梨咕嚕魚柳同金瑤柱瓜甫扒翡翠苗，食味亦不俗，魚柳炸至外脆內嫩，再加上糖醋，入口酸甜適中。翡翠苗細嫩又無渣，墊底配有節瓜甫，再淋上瑤柱芡汁，入口啖啖滋味。以後大家上山頂，除了有美食外，又多咗一個打卡嘅新景點啦！
張貼
