影片
更多
2021-05-21
239 瀏覽
好耐冇嚟食過私伙啦！！等咗咁耐終於有芋圓食！唔係因為我懶！因為私伙啱啱裝修好，仲加咗好多新item落個menu度🤤今次就試咗桂花酒香芋圓小丸子，紅豆糕同糖不甩！！今日糖不甩就有幾款口味，黑糖鐵觀音，玫瑰🌹，薑味同朱古力🍫 聽聞仲有珍珠奶茶🧋味添，最衰我今日冇得食🥲講返味道先，醉雞腎就一如既往地香同入味，佢哋嘅醉雞翼都係同一款味道，聽老闆講仲要係無激素雞翼🐤🐤，所以都好推薦大家試！講返重點桂花酒香芋圓小丸子🍡先！芋圓就同以前仙草芋圓嘅芋圓一樣都係咁香，唔會好似平時喺甜品舖食嗰啲好似冇餡湯圓咁😂各種嘅芋圓都有佢自己應有嘅味道，除咗傳統嘅芋頭紫薯同蕃薯味之外，新裝修之後仲加入咗抹茶味🍵，本身都唔知但係食落都幾有驚喜，配合埋個桂花酒香糖水底🌼🌼男朋友話食落有啲似飲緊桂花茶咁，而我就覺得酒味同桂花味平衡得恰到好處，平時食芋圓唔會飲埋糖水嘅我，今日難得飲曬😋😋真係超難得😂順帶一提，今日天氣真係超熱🔥🔥🔥，所以如果你唔想食辣嘅糖水嘅話都可以好似我咁叫老細整個室溫版本。食完芋圓之後就試咗紅豆糕🍨，紅豆糕一入口就非常之香滑，食得出應該係用椰汁🥥做底，然後再加入一粒粒嘅紅豆同芋頭，芋頭係一個較為特別嘅配搭
唔係因為我懶！因為私伙啱啱裝修好，仲加咗好多新item落個menu度🤤
今次就試咗桂花酒香芋圓小丸子，紅豆糕同糖不甩！！今日糖不甩就有幾款口味，黑糖鐵觀音，玫瑰🌹，薑味同朱古力🍫 聽聞仲有珍珠奶茶🧋味添，最衰我今日冇得食🥲
講返味道先，醉雞腎就一如既往地香同入味，佢哋嘅醉雞翼都係同一款味道，聽老闆講仲要係無激素雞翼🐤🐤，所以都好推薦大家試！
講返重點桂花酒香芋圓小丸子🍡先！芋圓就同以前仙草芋圓嘅芋圓一樣都係咁香，唔會好似平時喺甜品舖食嗰啲好似冇餡湯圓咁😂各種嘅芋圓都有佢自己應有嘅味道，除咗傳統嘅芋頭紫薯同蕃薯味之外，新裝修之後仲加入咗抹茶味🍵，本身都唔知但係食落都幾有驚喜，配合埋個桂花酒香糖水底🌼🌼男朋友話食落有啲似飲緊桂花茶咁，而我就覺得酒味同桂花味平衡得恰到好處，平時食芋圓唔會飲埋糖水嘅我，今日難得飲曬😋😋真係超難得😂順帶一提，今日天氣真係超熱🔥🔥🔥，所以如果你唔想食辣嘅糖水嘅話都可以好似我咁叫老細整個室溫版本。
食完芋圓之後就試咗紅豆糕🍨，紅豆糕一入口就非常之香滑，食得出應該係用椰汁🥥做底，然後再加入一粒粒嘅紅豆同芋頭，芋頭係一個較為特別嘅配搭，芋頭粒令到成個紅豆糕嘅層次更加豐富，相當之特別，而且甜度適中，唔會話死甜 ，如果係減緊肥嘅朋友仔，都可以食一件獎勵下自己！！
糖不甩我就暫時未食！諗住買返屋企同屋企人分享，食完再話畀大家知我嘅感受🥰🥰
最後聽聞老細想集齊咁多款中式糖水，成為中式糖水圖書館，加油啊老細！！唔知老細會唔會考慮下整麻糬窩夫😂或者芋圓窩夫呢（嘻嘻，偷偷哋喺度許個願🤤🤤🤤）
桂花酒香芋圓小丸子
$30
12 瀏覽
1 讚好
0 留言
醉雞腎
$30
18 瀏覽
1 讚好
0 留言
紅豆糕
$10
12 瀏覽
1 讚好
0 留言
糖不甩
$26
13 瀏覽
1 讚好
0 留言
張貼
