影片
更多
2018-02-07
173 瀏覽
聽朋友講在旺角有間新既泰式邊爐有別於其他 ,在７度既低溫下決定同老公又去會一會. 上到去先知道原來係任食嫁. 泰式邊爐加任食真係令到我地好好好好好好期.上到去既環境都好有泰國Feel, 地方都好寬敞我地２個人都可以安排到坐４人枱. 唔洗叫完野冇地方放. 以呢個價錢任食冇價錢既食物仲有出面自助既食品飲品醬料都算好抵. 發現到個drink list上有杯好cute既飲品我地叫左２種湯底, 冬蔭湯底好好會俾定青檸我地自己加, 可以調教自己鐘意既酸度. 我就當然係一野車晒落去啦!!!另一個係椰子雞湯底. 椰子雞湯底真係好足料好多雞在鍋底!!重要係雞肶黎嫁. 火鍋料未到前我地就出左去睇下有咩可以醫住肚先, 一凍就特別肚餓嫁.都有唔小既熱盤, 我見到我最鐘意既生菜包當然我都唔會執輸攞左２個同老公share啦!任食包既飲品選擇都唔小. 不過我個煩老公見到menu有泰啤仲要係咁平, 因為平時去九龍城泰國菜都講緊$20左右呢度只係$6 佢又點會放過!佢話仲要係金裝堅抵呀！醬汁都好有泰國風味,我最欣賞佢有紅蝦米,泰國菜脯同埋泰式甜豉油, 係食海南雞三寶呀...呢碟係我地叫既肉類, 其實都只係叫左５種真係冇
上到去既環境都好有泰國Feel, 地方都好寬敞我地２個人都可以安排到坐４人枱. 唔洗叫完野冇地方放. 
以呢個價錢任食冇價錢既食物仲有出面自助既食品飲品醬料都算好抵. 
發現到個drink list上有杯好cute既飲品
我地叫左２種湯底, 冬蔭湯底好好會俾定青檸我地自己加, 可以調教自己鐘意既酸度. 我就當然係一野車晒落去啦!!!另一個係椰子雞湯底. 
椰子雞湯底真係好足料好多雞在鍋底!!重要係雞肶黎嫁. 火鍋料未到前我地就出左去睇下有咩可以醫住肚先, 一凍就特別肚餓嫁.
都有唔小既熱盤, 我見到我最鐘意既生菜包當然我都唔會執輸攞左２個同老公share啦!
任食包既飲品選擇都唔小. 
不過我個煩老公見到menu有泰啤仲要係咁平, 因為平時去九龍城泰國菜都講緊$20左右呢度只係$6 佢又點會放過!佢話仲要係金裝堅抵呀！
醬汁都好有泰國風味,我最欣賞佢有紅蝦米,泰國菜脯同埋泰式甜豉油, 係食海南雞三寶呀...
呢碟係我地叫既肉類, 其實都只係叫左５種真係冇諗過任食會俾咁多既份量. 而且樣樣質素好唔錯. 豬頸肉係厚切食落係有口感的. 特別一題牛肉係手切款唔會急凍肥牛食落好有牛味仲有咬口,呢個真係誠意之選.放肉去冬蔭個邊又香又野味... 真係正到暈呀
我地食咁多肉當然都唔會小得菜類. 我地放晒去椰子雞湯個邊感覺上好似冇咁油. OMG~所有菜同豆腐吸晒所有椰子雞湯的味道好味到真係唔識形容呀. 真係估唔到白白地既湯底可以令到條菜的味道推到咁極至.
題外話/補充資料：
邊食仲有店員邊加湯執野收碟, 個個都態度好好會問下野食啱唔啱食呀,夠唔夠呀.... 非常親切!唔似出面個Ｄ任食扮聽唔到你叫佢呀, 叫多兩聲就黑面呀... 佢地完全冇呢Ｄ情況讚讚!!
(以上食評乃用戶個人意見 , 並不代表OpenRice之觀點。)
張貼
