拍板小館 (已結業)

得知拍板從開,即時在群吹行佢,大家一常已往作風支持拍板,由我book位同訂菜,新地址都係佐敦白加士街新寶廣場5樓全層,一出電梯依舊見到K 哥同明星合照,亦增添不少新合照地方比之前大好多,仲有個舞台歌唱,現有5間大至細房,K 哥比左間30人大房我哋,謝謝！講返食物：私房菜低消350起,我哋每次都450-500,由k 哥安排,除非我哋群友指定特別想食菜式,今晚500@位：一開始泰式小食蝦餅、生菜包,唔錯群主至爱,生菜包帶點微辣、夠熱豉油皇蝦保持水準好食鹽焗螺真係好食,新野之前都未食過,做得很好無過火,又不會太咸紅燒翅足料,湯底加多D 肉更佳,柚皮鹅掌大家都掛住至愛,好快清晒,柚皮比以前更靓,煲時間應該減少左,外形好靓仔,內裹一樣鬆化鮑魚汁能夠保持三原條海參又係鮑魚汁,夠爽滑、海参做過功夫內裹亦夠味濃湯花膠雞好得,湯底食得出就係招牌雞湯花膠加濃湯一樣好味水煮牛肉,夠麻夠香,辣道我叫少辣的,牛肉亦煮得淋滑乳鸽無得輸,食落帶肉汁,没有過火,好食大家見到盆菜海報,有幾個老友已經訂購了。有機會再来