影片
更多
2020-01-06
383 瀏覽
西樹泡芙 #觀塘西樹泡芙都算係由細陪住我大👶🏻👧🏻👩🏻，印象中細細個喺香港最出名嘅泡芙就係呢一間同埋 bread papas，不過一直都係鍾意呢間多啲啲，因為佢嘅款式比較多🤤。但隨着網絡越嚟越發達，依家越來越多網店售賣各種甜品，已經好耐冇再幫襯過西樹泡芙。今日咁啱行過，見到佢哋推出左秋之甸味🍂🍁嘅系列，分別有紫香Q芋、金薯Q芋、黑芝Q芋，分別係以芋頭💜、地瓜💛、黑芝麻🖤為主，然後每一款各自再配上紫薯芋圓、番薯圓、芋圓，完全係中晒我最鍾意嘅嘢食！忍唔住叫咗個金薯Q芋！金薯Q芋🍠$28用上朱古力味嘅泡芙🍫，入面有地瓜蓉、番薯圓、忌廉同埋椰果，比我預期中好味！泡芙嘅朱古力味都幾香，而且成個泡芙都好脆。入面嘅地瓜蓉係意想唔到地重地瓜嘅甜香，而且非常綿滑，甜度都恰到好處，份量仲比我預期中多，呢個價錢來講係絕對滿意。連番薯圓嘅煙韌度都唔錯，配埋甜甜地嘅椰果一齊食好好味。忌廉亦都令到成個餡料更加creamy，但又唔膩。唔知係咪冇乜期望，整體來講真心覺得幾好食，搞到好想試埋其他個兩款口味。味道: 4.5/5性價比: 4/5
西樹泡芙都算係由細陪住我大👶🏻👧🏻👩🏻，印象中細細個喺香港最出名嘅泡芙就係呢一間同埋 bread papas，不過一直都係鍾意呢間多啲啲，因為佢嘅款式比較多🤤。但隨着網絡越嚟越發達，依家越來越多網店售賣各種甜品，已經好耐冇再幫襯過西樹泡芙。
今日咁啱行過，見到佢哋推出左秋之甸味🍂🍁嘅系列，分別有紫香Q芋、金薯Q芋、黑芝Q芋，分別係以芋頭💜、地瓜💛、黑芝麻🖤為主，然後每一款各自再配上紫薯芋圓、番薯圓、芋圓，完全係中晒我最鍾意嘅嘢食！忍唔住叫咗個金薯Q芋！
金薯Q芋🍠$28
用上朱古力味嘅泡芙🍫，入面有地瓜蓉、番薯圓、忌廉同埋椰果，比我預期中好味！泡芙嘅朱古力味都幾香，而且成個泡芙都好脆。入面嘅地瓜蓉係意想唔到地重地瓜嘅甜香，而且非常綿滑，甜度都恰到好處，份量仲比我預期中多，呢個價錢來講係絕對滿意。連番薯圓嘅煙韌度都唔錯，配埋甜甜地嘅椰果一齊食好好味。忌廉亦都令到成個餡料更加creamy，但又唔膩。
唔知係咪冇乜期望，整體來講真心覺得幾好食，搞到好想試埋其他個兩款口味。
味道: 4.5/5
性價比: 4/5
金薯Q芋
$28
57 瀏覽
0 讚好
0 留言
張貼
