新斗記 (已結業)

因為有屋企人住屯門，所以間中都會黎屯門城廣場新斗記飲茶。公眾假期等得耐就預左架喇，但坐底後啲侍應既服務真係奇差，差到忍唔住要寫篇食評🙄我地一行8人，有大有細，叫左十幾樣點心。點心質素唔錯，但碟例牌叉燒咸到傻，千祈唔好叫😟唯一想介紹係個煎糯米雞，因為我未見過呢個整法，唔講都唔知係乜😂咁我地食完點心後，叫多個瑤柱蛋白炒飯。突然一個女侍應粒聲唔出行過黎收走啲蒸籠、點心碟等。本身都正正常常，但突然佢開始收埋我地啲碗筷。（唔係換碟，係執枱嗰種收碟）我地呆左，然後話比佢聽我地未食完，然後佢「下」一聲，然後走左。要我地之後叫另一侍應先比番啲碗筷我地食炒飯🙄講真啲點心唔特別好，坐得唔特別舒服，唔好再黎，係咁先👋🏻