十三姨酸菜魚 (Mikiki) (已結業)

約了好友聚舊， 嚟到新蒲崗Mikiki， 搵緊啱食嘅餐廳， 看見這間「十三姨酸菜魚」 似係新開張，裝修型格， 大家都想食酸菜魚就啱曬。招牌十三姨酸菜魚（小辣）好有份量，配料好多， 尤其係芽菜， 可能有一斤芽菜喺裏面， 不過就堆埋一團。 還有水晶寬粉， 厚得來煙煙韌韌，而萵筍則偏硬。採用了鱸魚， 魚片肉質嫩滑，但容易散開。湯底唔算好濃味， 酸菜就比較腍身亦唔太酸。 估唔到小辣也威力十足🌶️🌶️， 我們都吃得辣也需要叫罐涼茶解辣。雖然以小火助熱 ， 但相對火力太微弱不算太滾。另外叫了 「家鄉酸辣粉」下午茶套餐 ， 另配「十三姨招牌秘製雞翼」， 雞翼撒上 調味粉，辣辣地少少蒜香， 雞翼入味 又唔會太乾， 外皮炸到脆卜卜，整體非常惹味！「家鄉酸辣粉」分量好大， 麻椒，辣味相對平衡， 辣度明顯沒有酸菜魚咁勁。餐飲的酸梅湯味道濃郁， 配辛辣食物最啱不過。口痕想食甜品，再來一客咖央牛油多士。 十分邪惡，但混合椰香味好重嘅咖央真的很美味!熱南洋奶茶， 茶味好濃，配煉奶亦可以order少甜。白玉仙草可以選擇少甜，配以椰果和涼粉，清涼降溫。