皇嘻哈小食 (已結業)

有一次同朋友去完登打士廣場既其中一間café，行番出街既時間，發現左開左一間新既鋪頭，而間鋪頭上面主打係賣一d 涼拌小食，而小編見到鋪頭既外面貼左有唔同形式既雜誌報導同埋好多明星同東主既合照，於是就吸引左我同友人既視線，決定去試一試佢。 因為太多選擇既關係，我同友人簡左個雜錦杯(細)同友人一齊試下。由於鋪頭主打嘻哈汁，我地就決定試下呢個汁，但係我地又驚太辣，所以就簡左唔辣既嘻哈汁試下水溫先。 個汁食落酸酸地之外，仲有少少辣，我地都覺得幾開胃，再加上碗野凍凍地，都真係覺得幾消暑。 當我地一望到呢碗野既時候都覺得幾驚喜，因為份量都差幾大，有海蜇，牛柏葉，雞腎同埋魚蛋。份量十足。而特別值得一提既係佢個海蜇，因為佢係頭，所以特別爽口。 但係食完之後，我同友人都覺得個汁唔算太入味，有改進既空間，覺得有少少名過其實，希望之後可以會有改善啦☺。