鼎爺私房菜 (已搬遷) 新店位置

因為疫情反覆, 去年已訂位既私房菜, 要到農曆新年期間才可以試到。餐廳位置銅鑼灣閙市, V Point 曾經有唔少不同種類既餐廳, 但搭升降機上去時, 發現好多都做唔住已結業。飲食業早已處於生死邊緣, 但政府繼續無為而治。其實今次係慕名而來, 朋友安排好訂座, 非常感激, 就當係新春午餐團拜! 餐廳格調稍為遜色, 跟普通的中菜館相差不大。我地一早訂左套餐, 整體來說都算高水平, 但就沒有太大既驚喜; 反而侍應既服務態度唔錯, 例如我地發現枱布有少許污漬, 佢地已馬上安排替換; 雖然話呢d係應有既態度, 但絕對值得認同。