玉蕾 (已結業)

係雜誌見到玉蕾既介紹, 心血來潮約左四個友人黎呢間餐廳潮聖一下，順便食返餐勁。華麗既裝修，海景view，又以中式花卉做主題，感覺既舒服又高尚。餐廳主打上海菜，每款菜式都有獨特既風格。有飽魚、腐皮野菜卷、海蜇、棒棒雞、XO醬東風螺、芝麻和牛肉粒及橙皮絲。廚師好細心將食物砌成藝術品一樣， 好colorful，值得一讚。燒腩仔入口甘香鬆脆，脂肪同肉質比例均勻，無油膩既感覺，很不錯。和牛肉質幼嫩，配上日式醬油和芥末粒，味道開胃可口。蟹膏同蟹肉比例平均，細緻鮮甜，酒味不濃不淡細問之下，原來廚師採用上等紹興酒，將蟹浸係酒中十日，難怪蟹肉帶有超鮮甜既味道。聞說孖指龍蝦既肉質好嫰滑 ，所以特別一試。果然不失所望，蝦肉配上紅燒汁，啖啖鮮甜味道一流。令人驚喜既甜品，豆腐好滑，杏仁味不濃，恰到好處，好正!不得不提，餐廳自家製既XO醬值得一試！下次會再來。