太元樓

營業中

休息中

今日黎城市花園旁邊既太元樓食個早鳥中秋節飯，呢度環景唔錯，裝修時尚企理，而且唔會好似酒樓咁嘈。⭐️妙齡乳鴿見到網上個個都食，我地當然要試下，我地6個人叫左2隻($28/1隻)好抵食，食落仲係熱熱地，外表脆肉質嫩，又唔會有燒乾既感覺。⭐️海鮮豆腐羹我地叫左例牌share食，豆腐好滑又唔容易散。⭐️賽螃蟹春卷第一次見賽螃蟹春卷，入面滿滿既蛋白同賽螃蟹肉，脆卜卜好好食。⭐️京城蔥油餅新鮮炸起熱辣辣，成個餅都比芝麻包住，所以食落好香，入既餡都唔少，食多幾舊都唔會有油膩既感覺。⭐️干煸四季豆呢度干煸四季豆係唔辣既，四季豆夠乾身，肉碎加左蝦米爆到好香，好開胃。⭐️醬爆雞丁配料唔係好多，只有雞丁同埋大蔥，味道比較甜。