都爹利會館

營業中

休息中

之前幫老闆訂枱就訂得多，終於今次有機會可以試試，因為唔想諗太多，所以就試試tasting Menu💪第一道菜喺前菜拼盤，有川味叉燒，松露蟹肉卷，酒糟素千層。叉燒就食得多，辣嘅叉燒，應該係第一次食，感覺幾惹味。松露蟹肉卷，味道就清淡一點。素千層，唔係太食到酒糟嘅味道，可能川味叉燒嘅麻辣蓋過咗🤣第二道菜係燉湯，淮山杞子紅螺頭燉雞，雞湯味道好濃郁，不錯第三道菜係芝士牛油焗波士頓龍蝦，賣相好精美，味道好香濃，底部加咗類似蒟蒻麵，幾掛汁😋😋第四道菜係四頭鮑魚伴腐皮件，腐皮件好淋，蠔油汁，味道好好，鮑魚唔會好韌，亦都好入味👍第五道菜係脆皮本地牛坑腩，牛肉肉質好軟熟，醬汁帶少少酸酸甜甜，食落冇咁油膩，不錯不錯第六道菜係蝦醬帶子炒飯，食落唔會好油，因為前面嗰幾道菜非常出色，呢個炒飯相對地就普通少少🤣最後一道菜，薑汁奶凍，薑味好濃郁，但係食落唔會好辣口，亦都唔會好甜，做得幾出色整體而言，今晚呢餐飯，食物味道和賣相都做得幾好，服務都不錯，果然係米芝蓮一星，值得一試👍