影片
更多
2024-08-25
1426 瀏覽
講咗好耐嘅 #蠟筆小生 🦕之旅終於成行，打卡之前梗係要醫飽個肚先出發😉 一場嚟到沙田區，就順道過嚟 圍方 The Wai 搵嘢食！早幾個月第一次到訪來去匆匆，今次終於有啲時間逛吓，商場除咗有唔少新引進嘅品牌，餐廳、食物館嘅選擇都唔少😉聽朋友講商場2樓開咗間新餐廳「Greenhouse Asian Gourmet」，佢哋啲weekend lunch set都幾抵食，一於試吓佢😉 一入到餐廳門口已經感覺到員工嘅熱情❤️🔥 滿面笑容嘅服務員先幫我哋安排座位，仲自動自覺俾咗兩杯暖水我哋，今時今日咁窩心嘅服務態度，實在難得🙏🏻 佢哋嘅lunch set選擇都唔少，餐牌食物分為 #東南亞口味 同 #fushion菜 兩種口味，最啱心多多嘅我哋😉 呢日我哋揀咗兩個假日午市套餐，#黑松露焗豬扒飯 同埋 #海南雞喇沙 😙#黑松露焗豬扒飯 🐽🥘厚切嘅豬扒帶點肥肉，鋪上薄薄嘅炸漿喺面，外脆內嫩、仲啖啖肉好豐富🤤 飯底配上黑松露碎做點綴，味道非常濃郁🤤🤤 #海南雞喇沙 🍜🐣香濃嘅喇沙湯底，帶有鮮蝦同椰汁香氣🤤 師傅用咗 #油麵 做主食，湯汁剛好索晒入去，加埋鮮嫩嘅 #海南雞、#豆腐卜 做配料，好有東南亞風味🤤
聽朋友講商場2樓開咗間新餐廳「Greenhouse Asian Gourmet」，佢哋啲weekend lunch set都幾抵食，一於試吓佢😉 一入到餐廳門口已經感覺到員工嘅熱情❤️🔥 滿面笑容嘅服務員先幫我哋安排座位，仲自動自覺俾咗兩杯暖水我哋，今時今日咁窩心嘅服務態度，實在難得🙏🏻 佢哋嘅lunch set選擇都唔少，餐牌食物分為 #東南亞口味 同 #fushion菜 兩種口味，最啱心多多嘅我哋😉 呢日我哋揀咗兩個假日午市套餐，#黑松露焗豬扒飯 同埋 #海南雞喇沙 😙
#黑松露焗豬扒飯 🐽🥘
厚切嘅豬扒帶點肥肉，鋪上薄薄嘅炸漿喺面，外脆內嫩、仲啖啖肉好豐富🤤 飯底配上黑松露碎做點綴，味道非常濃郁🤤🤤
#海南雞喇沙 🍜🐣
香濃嘅喇沙湯底，帶有鮮蝦同椰汁香氣🤤 師傅用咗 #油麵 做主食，湯汁剛好索晒入去，加埋鮮嫩嘅 #海南雞、#豆腐卜 做配料，好有東南亞風味🤤
除咗主食，午餐仲包咗個湯或者沙律，仲有飲品🤩 而我就揀咗 #忌廉粟米湯 同 最近流行嘅 #手打檸檬茶 🍋 #粟米湯 真材實料，入口啖啖粟米粒，非常香口🤤 至於杯 #檸檬茶 就跟國內嘅口味有啲唔同，少咗份香精嘅味道，反而用多咗新鮮嘅 #檸檬片 去打造，味道唔會太甜，同一般嘅 #檸檬茶 相比，別有一番風味😉
餐廳設計以叢林做背景，而水吧同廚房都以開放式設計🍃 無論服務同環境都令人有一種清新嘅感覺🦕 而最重要價錢唔會太貴，希望下次有機會過嚟試埋佢哋嘅蛋糕同甜品啦🤤🤤
📍 Greenhouse Asian Gourmet (大圍) 車公廟路18號圍方2樓203號舖
張貼
