悠蔬食 (渣甸中心) (已結業)

幾年前食過尖沙咀店，印象唔錯，今次試吓銅鑼灣店叫左兩個lunch set，前菜係沙律，酸酸地好惹味，同埋南瓜蘆薈湯。主菜係牛油果蔬菜墨西哥薄餅配紅菜頭乳酪沙律，口味好特別，好豐富！另一個主菜係點心拼盤配什菇煨麵，份量好大，點心要打包點心有春卷、菜包、餃同燒賣，最衰太飽，返屋企先試吓好唔好味！午市限時個半鐘，有少少趕，環境一般，兩個人要坐檯同檯中間位，比較嘈吵。