龍點心 (中達大廈)

營業中

休息中

龍點心主打食新派創意點心，店內裝修行時尚風格，有好多五光十色嘅燈牌，多款特色食物，另一賣點係佢哋嘅甜品都好吸引，有綿綿冰、芋圓同埋椰皇▪️歎世界燒賣拼盤新出嘅燒賣系列，一籠有六粒燒賣， 粒粒都唔同口味，款式創新！包括有冬蔭功泰辣、黑蒜帶子、芝士墨魚、黑松露珍香、泡菜蒜辣同俄式羅宋， 燒賣好有口感，特別係墨魚嗰款超級彈牙，入面仲有流心芝士，泡菜蒜辣都好有特色，而且都幾辣添！好值得叫呢個拼盤試吓▪️脆脆富貴紅米腸粉紅米腸粉包住油炸鬼釀蝦肉，賣相好靚，口感層次分明，仲配上三款醬汁，非常滋味，值得一試▪️一口豆腐豆腐好巨型，份量又多，外皮又薄又鬆脆，做到外脆内嫩嘅口感，外層仲灑上椒鹽，食落好香口▪️黑金流沙包包好鬆軟，食時小心入面流沙餡好熱，奶香味十足，甜度剛好▪️桃氣寶藏冰呢度嘅甜品賣相好掂，睇得又食得，綿綿冰口感幼滑，食到有啖啖嘅香桃味，仲可以按自己口味加入鮮奶同埋蒟蒻珠珠，值得一試