吉祥草

營業中

休息中

約左好耐無見的舊同事相聚，去左西環的吉祥草食lunch。吉祥草係均益商場入面，裝修簡潔又帶點禪意。餐廳除左有堂食外亦有賣素食產品，例如准山麵、無糖饅頭等。餐廳的菜式唔係平時d齋舖的懷舊菜式，以新派西式為主，據店主講，佢地餐單上的食品都係用佢地自家超市的食材設計，食完如覺得不錯可以即場買材料自己煮。我地叫左意粉同炒飯，另外要多個三文魚剌身。意粉賣相唔錯，有素蝦、素餐肉等，配料豐富。炒飯有份量十足，有素叉燒、菠蘿、提子乾等，味道不俗。素三文魚剌身係用蒟蒻做，幾可亂真，沾一沾wasabi同醬油，入口口感神似真的三文魚剌身。