影片
更多
2018-12-25
126 瀏覽
尖沙咀新開小食店「咕咾」，位置金巴利大廈地下，雖然要行入少少，但就好易搵易認，因為門口望入去就見到 霓虹燈的可愛豬豬，餐廳主打賣咕咾肉小食，配多款特製醬汁。旁邊還有傳統涼茶鋪見到的金色葫蘆，原來呢度仲有涼茶啤，飲落似啤酒，但其實只係涼茶，無酒精成份，食炸野最岩配啤酒，而家有啤酒口感，又有涼茶功效。有不同部位的豬肉炸成咕咾肉，醬汁是分開上的，有5款選擇，各有特式好吸引，另外仲有炸海鮮同刈包。套餐最抵食，配埋不同小食，還可以飲涼茶啤，店員仲溫馨提示有優惠。我點左豬腩肉配香炸菇菇，跟菠蘿咕咾醬，送健康棒，加洛神花茶啤。$60用上丹麥豬肉，口感同味道都更好，炸得香口唔油，豬肉好彈，肥肉位爽滑，一點也不膩，仲越食越滋味，沾菠蘿甜酸醬，更開胃好味，睇報導話個醬係老闆用父親住家秘方，再經多次研究而成，果然味道溫和得來甜酸味平衡，酸味剛剛好不會刺喉。香炸菇菇賣相似薯條，味道幾好，炸得唔乾，保留雞脾菇的啖啖肉感，沾金沙蛋黃醬好夾，個醬好香咸蛋味，仲帶點微甜，比酸甜醬更惹味。食到一半仲有健康棒，即蔬菜條，有青瓜同甘筍，好爽脆同清新一下味蕾。朋友點左虎咬酥炸咕咾豬配煙肉芝士卷，跟金莎蛋黃醬，加夏枯草啤。$8
尖沙咀新開小食店「咕咾」，位置金巴利大廈地下，雖然要行入少少，但就好易搵易認，因為門口望入去就見到 霓虹燈的可愛豬豬，餐廳主打賣咕咾肉小食，配多款特製醬汁。
旁邊還有傳統涼茶鋪見到的金色葫蘆，原來呢度仲有涼茶啤，飲落似啤酒，但其實只係涼茶，無酒精成份，食炸野最岩配啤酒，而家有啤酒口感，又有涼茶功效。
有不同部位的豬肉炸成咕咾肉，醬汁是分開上的，有5款選擇，各有特式好吸引，另外仲有炸海鮮同刈包。
套餐最抵食，配埋不同小食，還可以飲涼茶啤，店員仲溫馨提示有優惠。
豬腩肉配香炸菇菇，洛神花茶·啤
$60
33 瀏覽
0 讚好
0 留言
我點左豬腩肉配香炸菇菇，跟菠蘿咕咾醬，送健康棒，加洛神花茶啤。$60
用上丹麥豬肉，口感同味道都更好，炸得香口唔油，豬肉好彈，肥肉位爽滑，一點也不膩，仲越食越滋味，沾菠蘿甜酸醬，更開胃好味，睇報導話個醬係老闆用父親住家秘方，再經多次研究而成，果然味道溫和得來甜酸味平衡，酸味剛剛好不會刺喉。
香炸菇菇賣相似薯條，味道幾好，炸得唔乾，保留雞脾菇的啖啖肉感，沾金沙蛋黃醬好夾，個醬好香咸蛋味，仲帶點微甜，比酸甜醬更惹味。
食到一半仲有健康棒，即蔬菜條，有青瓜同甘筍，好爽脆同清新一下味蕾。
虎咬酥炸咕咾豬配煙肉芝士卷，夏枯草·啤
$80
21 瀏覽
0 讚好
0 留言
朋友點左虎咬酥炸咕咾豬配煙肉芝士卷，跟金莎蛋黃醬，加夏枯草啤。$80
用刈包（即虎咬豬）夾著炸梅頭肉、菠蘿、青瓜、生菜......係中式漢堡包，大玩fushion菜，將原本一碟中式咕咾肉演變成西式漢堡包。
梅頭肉薄切炸衣也是薄薄，肉質細緻柔軟，菠蘿令整個包唔乾，仲有爽口青瓜片，配搭口感實在又鬆軟的蒸饅頭，好創新的味道。
小食煙肉芝士卷，用人手卷製再炸成，同樣炸得十分酥香脆口，煙肉好香微咸，內有爆多忌廉芝士，啖啖都軟滑滋味，好邪惡但又食唔停口既小食。
洛神花茶啤，夏枯草啤，賣相同口感都好似啤酒，但無酒精成份，第一次見好創新，夠玩味。
炸物配啤酒，氣泡用蜜糖打成，所以飲落都好似啤酒，無糖的夏枯草啤就更為相似，飲時有涼茶的微苦，餘韻係涼茶夏枯草的味，可清清炸物的熱氣感。
另一杯洛神花茶酸酸甜甜亦好岩配炸物，更有消膩去油開胃之效。
Cheers🍻
張貼
