金妹記大排檔 (已結業)

今日無啦啦想食大排檔，諗起金妹記大排檔係銅鑼灣開咗新分店，一於去試吓。呢間新派大排檔，保留大排檔特色的大圓檯同鑊氣小炒等美食，但係環境非常乾淨企理，坐得好舒服。炒大蜆呢個好推薦！真係好大隻蜆無花無假，而且粒粒都有肉唔會上碟得d殼，$7x已經有好大碟好食得過👍🏻 而且炒得好惹味好有水準。椒鹽賴尿蝦因為得兩個人食，所以我哋淨係叫咗一隻試下。賴尿蝦好大隻好多肉，肉質厚實，feel到應該幾新鮮品質幾好，而且仲有蝦膏！！😱正呀！炸豬手外層既皮炸到好香好脆，咬落去就食到好有口感既豬手，而且d肉都算幾腍，而且唔會好乾，重點係唔會過於濃味。同埋真係好大碟好抵食，同朋友一齊食就最啱啦！乾炒牛河見到檯太都叫乾炒牛河，望落好似幾好食，所以我哋都叫左。平時食唔到嘅乾炒牛河通常都好多油，一係就炒得太乾，一係就太濕。呢度於乾炒牛河絕對水準之上，夠乾身但係唔會太乾，而且重點係一啲都唔油，唔會食到個咀立立令。👍🏻👍🏻